విజయ్ దేవరకొండ ‘డియర్ కామ్రేడ్’ చిత్రం వచ్చే నెలలో విడుదల కాబోతున్న సంగతి తెలిసిందే. ప్రపంచ వ్యాప్తంగా ఈ చిత్రం జూలై 26 న విడుదల కాబోతుంది. ఈ చిత్రంతో భరత్ కమ్మ డైరెక్టర్ గా పరిచయమవుతున్నాడు. ‘మైత్రి మూవీ మేకర్స్’ ‘బిగ్ బెన్’ సంస్థలు కలిసి ఈ చిత్రాన్ని నిర్మిస్తున్నాయి. ఇప్పటికే విడుదల చేసిన టీజర్, పాటలు సినిమా పై అంచనాల్ని మరింత పెంచేసింది. ‘టాక్సీవాలా’ తరువాత విజయ్ దేవరకొండ నటిస్తున్న చిత్రం ఇదే కావడంతో ఆయన అభిమానులు ఎంతో ఆసక్తిగా ఎదురుచూస్తున్నారు. ఇదిలా ఉంటే ఈ చిత్రంలో ఓ స్టార్ స్టార్ హీరో పాట పడబోతున్నాడట.
ఆ స్టార్ హీరో మరెవరో కాదు మలయాళం మెగాస్టార్ మమ్ముట్టి కొడుకు దుల్కర్ సల్మాన్. ‘ఓకే బంగారం’ ‘మహానటి’ చిత్రాలతో తెలుగు ప్రేక్షకులకి కూడా దగ్గరయ్యాడు దుల్కర్ సల్మాన్. అయితే ‘డియర్ కామ్రేడ్’ తెలుగుకి కాదు మలయాళ వెర్షన్ కు దుల్కర్ పాట పాడబోతున్నాడట. ఎలాగూ దుల్కర్ అక్కడ స్టార్ హీరో కాబట్టి… తమ సినిమాకి కూడా మలయాళంలో మంచి క్రేజ్ ఏర్పడే అవకాశం ఉంటుందని ‘డియర్ కామ్రేడ్’ చిత్ర యూనిట్ భావిస్తున్నారట. ఇక ‘మహానటి’ సినిమా టైంలోనే విజయ్ దేవరకొండ, దుల్కర్ సల్మాన్ లకు మంచి ఫ్రెండ్ షిప్ ఏర్పడిందట. ఆ ఫ్రెండ్ షిప్ ను విజయ్ ఇలా తన సినిమాకి ఉపయోగించుకుంటున్నాడన్న మాట..!
