ఫిట్ బ్యూటీ రకుల్ ప్రీత్ సింగ్ తెలుగులో స్టార్ హీరోలతో నటించి హిట్స్ అందుకుంది. స్పైడర్ సినిమాలో మహేష్ బాబుకి జోడీగా నటించి కోలీవుడ్ లోకి ఎంట్రీ ఇచ్చింది. వరుసగా తమిళంలో సినిమాలకు సంతకం చేసింది. కార్తి, శివకార్తికేయన్‌ సినిమాలలో జోడిగా నటిస్తోంది. సూర్య పక్కన నటించే ఛాన్స్ రావడంతో ఆ సినిమా ఎప్పుడు మొదలవుతుందా? అని కలలు కనింది. అయితే ఆ సినిమా షూటింగ్ మొదలు అవుతుందనగా కోలీవుడ్ లో సమ్మె మొదలయింది. షూటింగ్ వాయిదా పడడంతో రకుల్ నిరాశపడింది. మొత్తానికి చర్చలు ఫలించి సమ్మె విరమించారు. ఇక రకుల్ ఆనందానికి అడ్డులేకుండా పోయింది. ఈరోజే కొత్త షెడ్యూల్ మొదలుపెట్టనున్నారు.
ఎన్.జి.కే’ ను ప్రముఖ దర్శకుడు సెల్వ రాఘవన్ దర్శకత్వంలో తెరకెక్కనమూవీ సూర్య కి 36వ సినిమా. తొలి రోజు షూటింగ్ లో సూర్యతో పాటు రకుల్ పాల్గొననుంది. ఆ విషయాన్నీ అభిమానులతో పంచుకొని సంబరపడుతోంది. డ్రీం వారియర్స్ పతాకంపై ఎస్.ఆర్.ప్రకాష్ బాబు, ఎస్.ఆర్.ప్రభులు నిర్మిస్తున్న ఈ సినిమాకి యువన్ శంకర్ రాజా సంగీతాన్ని అందిస్తున్నారు. ఈ సినిమాతో కోలీవుడ్ లో స్థిరపడిపోవాలని రకుల్ ఆశిస్తోంది.
