ఇండియాస్ బిగ్గెస్ట్ యాక్షన్ స్పై థ్రిల్లర్ గా రూపొందుతున్న “సాహో” సినిమాకి ఉన్న హైప్ గురించి ప్రత్యేకించి చెప్పాల్సిన అవసరం లేదు. విడుదలైన టీజర్ & పోస్టర్స్ సినిమా మీద హైప్ ను పదింతలు పెంచాయి. ప్రభాస్ అభిమానులు కూడా విడుదల తేదీ విషయంలో ఎలాంటి అవాంతరాలు లేకూమ్డా ఆగస్ట్ 15న విడుదలవుతుందన్న ఆనందంలో ఉన్నారు. ఇంత ఆనందంలోనూ వాళ్ళని ఒక విషయం చాలా ఇబ్బందిపెడుతోంది. అదేంటంటే.. రిలీజ్ కి ఇంకా కేవలం నెలన్నర మాత్రమే ఉండగా.. ఇప్పటివరకూ మ్యూజిక్ డైరెక్టర్ ఎవరు అనేది మాత్రం కన్ఫర్మ్ అవ్వలేదు. దాంతో అసలు సినిమాలో పాటలు ఉన్నాయో లేదో అనే కన్ఫ్యూజన్ మొదలైంది.
ఒకవేళ ఉంటే.. ఈపాటికి కనీసం ఒక్క సింగిల్ అయినా రిలీజ్ చేసి ఉండాలి కదా. ఇంకెప్పుడు రిలీజ్ చేస్తారు అని డౌట్ పడుతున్నారు జనాలు. మరి ఈ సినిమాకి మ్యూజిక్ డైరెక్టర్ ని ఎప్పుడు ఫిక్స్ చేస్తారు? సాంగ్స్ ఎప్పుడు రిలీజ్ చేస్తారు? అసలు సినిమాలో పాటలున్నాయా లేక హాలీవుడ్ తరహాలో ఏదైనా ఒక థీమ్ సాంగ్ తో సినిమాను ముగించేస్తాడా అనేది దర్శకుడు సుజీత్ కే తెలియాలి. ఒకవేళ సాంగ్స్ ఉంటే మాత్రం కనీసం వచ్చే నెల నుంచైనా విడుదల చేసుకుంటూ వెళ్తే బెటర్.
