యంగ్ రెబల్ స్టార్ ప్రభాస్ సినీ కెరీర్ బాహుబలికి ముందు తర్వాత అని చెప్పుకోవాలి. ఆ చిత్రం డార్లింగ్ కి ఎనలేని క్రేజ్ ని తెచ్చి పెట్టింది. అతని గురించి, సినిమాల గురించి తెలుసుకోవాలనే అభిమానుల సంఖ్య బీభత్సంగా పెరిగింది. ప్రభాస్ వార్తల కోసం నిత్యం వెతుకుతున్నారు. బాహుబలి కంక్లూజన్ రిలీజ్ డేట్ ఖరారు కావడంతో, ఆ తర్వాత యంగ్ రెబల్ స్టార్ చేసే సినిమాపై ఎటువంటి అప్ డేట్స్ లేదు. యూవీ క్రియేషన్ బ్యానర్లో సుజీత్ దర్శకత్వంలో మూవీ చేస్తారనే విషయం మినహా ఇతర ఏ వార్త బయటకి రాలేదు. దీంతో అభిమానులు డైరక్టర్ పై అసహనాన్ని వ్యక్తం చేశారు. ఆ సంగతి తెలుసుకున్న సుజీత్ అభిమానులకోసం ఓ ట్వీట్ చేశారు.
‘ప్రభాస్ యాక్షన్ థ్రిల్లర్ సినిమా అప్ డేట్స్ కోసం ఎదురు చూస్తున్న అభిమానులకు నా థాంక్స్ . అందరి అంచనాలకు మించి ఈ చిత్రాన్ని తెరకెక్కించాలని నేను, మా టీమ్ కొన్నేళ్లుగా శ్రమిస్తున్నాం. డార్లింగ్ క్రేజ్ కి తగ్గ మూవీ ఉండాలంటే మాకు మరికొంత సమయం కావాలి. అప్పటిదాకా ఓపిగ్గా ఉంటారని భావిస్తున్నా. సినిమా సెట్స్ మీదకు వెళ్ళగానే రెగ్యులర్ గా అప్ డేట్స్ ఇస్తాను’ అని స్పష్టం చేశారు.
Also, do SUBSCRIBE to our YouTube channel to get latest Tollywood updates.
