టాలీవుడ్ లో క్రియేటివ్ దర్శకుల్లో సుకుమార్ ఒకడు. అయితే అలాంటి సుకుమార్ ఒక పక్క దర్శకుడిగా తన టాలెంట్ ను చూపిస్తూనే మరో పక్క నిర్మాతగా చిన్న చిన్న సినిమాలు తెరకెక్కిస్తూ మంచి సక్సెస్‌ఫుల్ నిర్మాతగా నిలబడ్డాడు. అయితే ఆ మధ్య కుమారి 21ఎఫ్ లాంటి సూపర్ హిట్ సినిమాను అందించాడు సుకుమార్. అదే క్రమంలో ఈ సినిమాని సుకుమార్ రాసి సూర్య ప్రతాప్ చేత డైరెక్ట్ చేయించాడు. అయితే అది మంచి హిట్ అందుకోవడమే కాకుండా మంచి పేరును కూడా తెచ్చి పెట్టింది. అయితే అదే క్రమంలో సుకుమార్ రైటింగ్స్ పేరుతో నిర్మాణ సంస్థ స్టార్ట్ చేసిన సుకుమార్ తన ప్రొడక్షన్ నుండి రెండో సినిమా “దర్శకుడు” రిలీజ్ కు సిద్దం చేస్తున్నాడు. ఈ సినిమా మరో రెండు రోజుల్లో అంటే ఆగష్టు 4న థియేటర్ లోకి వస్తుంది. అయితే ఈ సినిమా ఒకటి విడుదల అవుతుంది అని పెద్దగా ప్రచారం ఏమాత్రం జరగడం లేదు…సినిమా ప్రమోషన్స్ లో భాగంగా ఎన్.టి.ఆర్, చరణ్, అల్లు అర్జున్ లను వాడేసిన సుకుమార్ సినిమాకు హైప్ మాత్రం తీసుకురాలేకపోయాడు.
ఈ క్రమంలో అసలు దర్శకుడు సినిమాకు ఎందుకు హైప్ రాలేదు అన్న ఆలోచనలో పడ్డాడట. అయితే అసలు కధలోకి కాస్త క్లుప్తంగా వెళ్ళి చూస్తే…సుకుమార్ మొదటి నిర్మాణంలో వచ్చిన సినిమా కుమారి 21ఎఫ్. రాజ్ తరుణ్ హీరోగా హెబ్భా పటేల్ అందాలను ఎరగా వేశారు. అంతేకాదు ఆ సినిమాకు రాక్ స్టార్ దేవి శ్రీ ప్రసాద్ మ్యూజిక్ తో పాటుగా రత్నవేలు సినిమాటోగ్రఫీ కూడా హైలెట్ అయ్యింది. అయితే స్టార్స్ సినిమాలకు పనిచేసే ఇద్దరు టాప్ మోస్ట్ టెక్నిషియన్స్ కుమారికి పనిచేయడంతో అంచనాలను అందుకునేలా చేసింది. కానీ దర్శకుడు విషయంలో అంతా చిన్న వాళ్ళు కావడం, అదే క్రమంలో తనకు కథ చెప్పిన హరి ప్రసాద్ తోనే ఈ సినిమా డైరెక్ట్ చేయించిన సుక్కు మ్యూజిక్ డైరక్షన్ సాయి కార్తిక్ కు అప్పజెప్పడం ఇలా చిన్న సినిమాగానే ఇది తయారయింది…అయితే రిలీజ్ ముందు ఎలా ఉన్నా… సినిమా కచ్చితంగా జనాలకు రీచ్ అవుతుందని నమ్మకంతో ఉన్నాడట సుకుమార్. మరి ఈ సినిమా మరో కుమారిలా దుమ్ము దులుపుతుందో, లేక సైలెంట్ గా సైడ్ అయిపోతుందో చూడాలి.
Also, do SUBSCRIBE to our YouTube channel to get latest Tollywood updates.
