కథకుడిగా, దర్శకుడిగానే కాకుండా నిర్మాతగానూ సూపర్ ఫామ్ లో ఉన్న సుకుమార్ ప్రస్తుతం రామ్ చరణ్ కోసం ఒక డిఫరెంట్ స్క్రిప్ట్ రాయడంలో తలమునకలై ఉన్నాడు. “కుమారి 21ఎఫ్”తో సూపర్ హిట్ కొట్టిన తర్వాత సుకుమార్ మళ్ళీ ఇంకో సినిమా ప్రొడక్షన్ కి రంగం సిద్ధం చేసుకొంటున్న విషయం తెలిసిందే. దీంతోపాటు నిర్మాతగానూ మరో సినిమాకి సన్నద్ధమవుతున్నాడు సుకుమార్.
“కుమారి 21F”తో దర్శకుడిగా గుర్తింపు తెచ్చుకొన్న సూర్యప్రతాప్ రెడీ చేసిన ఒక కథ నచ్చి.. ఆ సినిమాను నిర్మించడానికి సిద్ధమైపోయాడు సుకుమార్. శర్వానంద్ హీరోగా నటించనున్న ఈ చిత్రం ప్రీ-ప్రొడక్షన్ పనులు చివరి దశలో ఉన్నాయి. అలాగే.. కేవలం నిర్మాతగానే కాకుండా ఈ సినిమాకి స్క్రీన్ ప్లే కూడా సమకూర్చనున్నాడు సుకుమార్. స్క్రీన్ ప్లే స్పెషలిస్ట్ అయిన సుకుమార్ ప్రిపేర్ చేస్తున్న సబ్జెట్ తో శర్వా స్టార్ తిరిగి సూపర్ స్టార్ డమ్ వస్తుందేమో చూడాలి. ఇకపోతే.. శర్వా హీరోగా నటిస్తున్న 25వ చిత్రం ప్రస్తుతం మూడో షెడ్యూల్ జరుపుకుంటోంది!
