దాదాపు ఆరేళ్ళ తర్వాత సుమంత్ కి దొరికిన మంచి హిట్ ‘మళ్ళీ రావా’. సెటిల్డ్ పెర్ఫార్మెన్స్ తో సుమంత్ ఆడియన్స్ ను అశేషంగా ఆకట్టుకోగా.. ఆకాంక్ష సింగ్ కూడా అదే స్థాయిలో ఆకట్టుకొంది. ముఖ్యంగా చిన్నప్పటి హీరోహీరోయిన్లుగా నటించిన సాత్విక్-ప్రీతిల నటన ప్రేక్షకులను అద్భుతంగా అలరిస్తుంది. వీటికి తోడు శ్రవణ్ సంగీతం ప్రేక్షలను అమితంగా అలరిస్తుంది. వీటన్నిటికీ తోడు దర్శకుడు గౌతమ్ స్క్రీన్ ప్లే సినిమా చూస్తున్నంతసేపు ప్రేక్షకులను మాయాలోకంలోకి తీసుకెళుతోంది. దాంతో.. సుమంత్ కి చాన్నాళ్ల తర్వాత మంచి హిట్ లభించినట్లయ్యింది.
డిసెంబర్ 21 వరకూ మరో చెప్పుకోదగ్గ సినిమా లేకపోవడం, అప్పటివరకూ మల్టీప్లెక్స్ ఆడియన్స్ కు మరో సినిమా లేకపోవడం, తెలుగులో “మళ్ళీ రావా” లాంటి సెన్సిబుల్ లవ్ స్టోరీ వచ్చి చాలా కాలమవుతుండడంతో కలెక్షన్స్ పరంగానూ “మళ్ళీ రావా” మంచి రికార్డ్స్ క్రియేట్ చేసే అవకాశముంది. అలాగే.. ఓవర్సీస్ బాక్సాఫీస్ వద్ద కూడా ఈ చిత్రంలో మంచి కలెక్షన్స్ వసూలు చేయడం ఖాయం. ఎందుకంటే.. మన తెలుగు సినిమాలకు ఓవర్సీస్ లో క్రేజ్ ఎక్కువ, అందులోనూ “మళ్ళీ రావా” లాంటి సెన్సిబుల్ లవ్ స్టోరీకి ఇంకా క్రేజ్ ఎక్కువ. దాంతో ఈ ఏడాది హిట్స్ లో “మళ్ళీ రావా” స్థానం సంపాదించుకోవడం ఖాయమని ట్రేడ్ వర్గాలు విశ్లేషిస్తున్నాయి.
