అక్కినేని నాగేశ్వరరావు మనవుడిగా ఎంట్రీ ఇచ్చిన సుమంత్ కి కొన్నేళ్లుగా మంచి విజయం లభించలేదు. రెండేళ్ల క్రితం వచ్చిన “ఏమో గుర్రం ఎగరా వచ్చు” అనే సినిమా కూడా నిరాశ పరిచింది. దీంతో కాస్త టైం తీసుకొని విభిన్న మైన కథతో మనల్ని పలకరించడానికి వస్తున్నారు సుమంత్. కొత్త దర్శకుడు మల్లిక్ రామ్ దర్శకత్వంలో తెరకెక్కిన ఈ సినిమాకు “నరుడా డో నరుడా” అనే ఆసక్తికర టైటిల్ ని ఫిక్స్ చేశారు.
వీర్యం దానం చేసే వ్యక్తి పాత్రలో సుమంత్ ఈ మూవీలో కనిపించనున్నారు. డోనార్ అంటే దానం చేసేవాడనే అర్థం కావడంతో నరుడా డోనరుడా అనే కథకు సరిపడే విధంగా టైటిల్ ని పెట్టారు. పల్లవి సుభాష్ అనే కొత్త నటి హీరోయిన్ గా నటించిన ఈ చిత్రం ఫస్ట్ లుక్ ని నేటి సాయంత్రం కింగ్ అక్కినేని నాగార్జున రిలీజ్ చేయనున్నారు. ఈ విషయాన్నీ ఈరోజు సుమంత్ స్వయంగా తన ట్విట్టర్ అకౌంట్ లో వెల్లడించారు. వచ్చే నెలలో ప్రేక్షకుల ముందుకు రానున్న ఈ సినిమాలో తనికెళ్ల భరణి ఓ కీలక పాత్ర పోషించారు.
Chinamama @iamnagarjuna will be launching the first look of my upcoming film, due for release soon, this evening at 5pm. Stay tuned!
— Sumanth (@iSumanth) September 19, 2016
