తెలుగు సినిమా యువ కథానాయకుడు సందీప్ కిషన్ కెరీర్ తెలుగులో అంతంతమాత్రంగా ఉన్నా తమిళంలో మాత్రం వరుస సినిమాలతో దూసుకుపోతున్నాడు. తాజా చిత్రం “నగరం” కూడా తమిళంలో సూపర్ హిట్ టాక్ తెచ్చుకోగా తెలుగులో మాత్రం బిలో యావరేజ్ గా మిగిలిపోయింది. ఇప్పుడు సందీప్ కిషన్ నటిస్తున్న మరో చిత్రం “మాయావన్” అనే మరో సినిమా ట్రైలర్ విడుదలైంది. వీటితోపాటు మరో క్రేజీ ప్రోజెక్ట్ లో నటించే అవకాశం సొంతం చేసుకొన్నాడు సందీప్ కిషన్.
ప్రస్తుతం తమిళంలో “16 డి” ఫేమ్ కార్తీక్ నరేన్ దర్శకత్వంలో ఒక సినిమాలో నెగిటివ్ రోల్ ప్లే చేస్తున్న సందీప్ కిషన్.. సదరు సినిమా నిర్మాత అయిన గౌతమ్ మీనన్ దర్శకత్వంలో ఓ సినిమాలో నటించే అవకాశం అందిపుచ్చుకున్నాడు సందీప్ కిషన్. త్వరలో సెట్స్ కు వెళ్లనున్న ఈ చిత్రంలో సందీప్ ఇప్పటివరకూ తాను పోషించనటువంటి విభిన్నమైన పాత్రలో కనిపించనున్నాడు. తెలుగులో సరైన అవకాశాలు అందిపుచ్చుకోలేకపోయినా తమిళంలో దూసుకుపోతున్న సందీప్ ను చూసి మిగతా యువ హీరోలు తెగ టెన్షన్ పడిపోతున్నారు!
Also, do SUBSCRIBE to our YouTube channel to get latest Tollywood updates.
