త్రివిక్రమ్, సునీల్ బెస్ట్ ఫ్రెండ్స్. డైరక్టర్.. నటుడిగా కలలు కనే అప్పటి నుంచి .. కలనీ నిజం చేసుకునే వరకు అప్పటికీ ఇప్పటికీ ఇద్దరి మధ్య మంచి స్నేహం కొనసాగుతోంది. త్రివిక్రమ్ డైరక్టర్ గా మారిన తర్వాత అతడు, జల్సా, ఖలేజా చిత్రాల్లో సునీల్ కి బెస్ట్ రోల్స్ ఇచ్చి ప్రోత్సహించారు. అయితే సునీల్ హీరోగా ఎదిగారు. ఈ మధ్య వరుసగా అపజయాలను చూస్తున్నారు. స్నేహం కోసం సునీల్ ని హీరోగా పెట్టి త్రివిక్రమ్ ఓ చిత్రం చేయవచ్చు కదా? అని ఎవరికైనా డౌట్ వస్తుంది. అదే ప్రశ్నని సునీల్ ముందు ఉంచగా ఆయన ఆసక్తికర విషయాలు చెప్పారు. “నేను హీరోగా త్రివిక్రమ్ దర్శకత్వంలో నటించే సినిమా తప్పకుండా ఉంటుంది.
అయితే ఆ మూవీ ఎప్పుడు అన్నది మాత్రం ప్రస్తుతానికి క్లారిటీ లేదు. త్రివిక్రమ్ సినిమాకి సినిమాకు మార్కెట్ ను పెంచుకుంటున్నారు. మరికొన్ని సంవత్సరాలలో త్రివిక్రమ్ 1000 కోట్ల దర్శకుడుగా మారుతాడు. అప్పుడు ఖచ్చితంగా మా ఇద్దరి సినిమా ఉంటుంది” అని సునీల్ గట్టిగా నవ్వేశారు. సునీల్ ఆలోచన చూస్తే చాలా భారీగానే ఉంది. మరి అందుకు త్రివిక్రమ్ ఏమంటారో చూడాలి. ఇక శంకర్ దర్శకత్వంలో సునీల్ నటించిన తాజా చిత్రం “2 కంట్రీస్” మరో రెండు రోజుల్లో థియేటలోకి రానుంది. హీరోగా నిలదొక్కుకోవడం కష్టంగా ఉన్న పరిస్థితుల్లో శంకర్ సునీలపై నమ్మకంతో ఈ చిత్రాన్ని నిర్మించారు. మరి ఈ చిత్రం ఏ విధంగా ఆకట్టుకుందో ఈ వారం తెలియనుంది.
