సన్నీలియోన్.. పరిచయం అవసారం లేని పేరిది. కాకపోతే ఆ పరిచయమైన తీరే కాస్త చెడ్డది. అందువల్ల ఆమె ఇప్పుడు సెలబ్రిటీగా ఎంత ఎత్తుకు ఎదిగినా అందరూ ఇప్పటికీ ఆమెను పోర్న్ స్టార్ గానే చూస్తున్నారు. అందుకు కారణం లేకపోలేదనుకోండి. కానీ.. ఆమె పోర్న్ మూవీస్ లో యాక్ట్ చేయడం మానేసిన తర్వాత కూడా ఆమెను జనాలు ఇప్పటికీ పోర్న్ స్టార్ గానే చూస్తుండడం మాత్రం ఆమెను బాధిస్తోంది.
రీసెంట్ గా సల్మాన్ ఖాన్ సోదరుడు అర్బాజ్ ఖాన్ ప్రారంభించిన ఓ టాక్ షోకి గెస్ట్ గా వచ్చిన సన్నీలియోన్ తన పర్సనల్ లైఫ్ గురించి చాలా విషయాలు చెప్పుకొచ్చింది. తనకి ఇంతమంచి స్టార్ డమ్ ఉన్నా కూడా తనను ఇప్పటికీ జనాలు ఓ పోర్న్ స్టార్ గా చూడడం, తాను పెట్టే ఫోటోల కింద అసభ్యకరమైన కామెంట్స్ చేయడం నన్ను బాధిస్తుంటుంది అని చెప్పుకొచ్చింది సన్నీలియోన్. ఒకరకంగా చూసుకుంటే ఇది బాధకారమైన విషయమే. అయినప్పటికీ.. సన్నీ మీద పోర్న్ మార్క్ పోయేది మాత్రం లేదని చెప్పాలి.
