వరుస విజయాలతో దూసుకుపోతున్న నాని కి.. గత సంవత్సరం ‘కృష్ణార్జున యుద్ధం’ దేవదాస్’ చిత్రాలతో రెండు ప్లాపులు ఎదురవ్వడంతో… నాని క్రేజ్ తగ్గిపోయిందని అందరూ అనుకున్నారు. కానీ తన మార్కెట్ కు, క్రేజ్ కు ఎలాంటి దెబ్బ పడలేదని ‘జెర్సీ’ చిత్ర ప్రీ -రిలీజ్ నిరూపిస్తుంది. ఈ చిత్రానికి 30 కోట్ల వరకూ ప్రీ -రిలీజ్ బిజినెస్ జరిగిందని సమాచారం. అంతే నాని తన తదుపరి చిత్రాలను పక్కాగా చేసుకుంటున్నాడు. సినిమా రిజల్ట్ ఎలా ఉన్నా.. అనుకునం సమయానికి చిత్రాలని పూర్తి చేసి .. కొత్త ప్రాజెక్టులను మొదలుపెడుతూ ఉంటాడు.
ఇక ‘జెర్సీ’ చిత్రం పూర్తయిన వెంటనే… విక్రమ్ కుమార్ డైరెక్షన్లో.. చేయబోతున్న మూవీని సెట్స్ పైకి తీసుకెళ్లడానికి రెడీ అవుతున్నాడు. ‘మైత్రి మూవీ మేకర్స్’ ఈ చిత్రాన్ని నిర్మించబోతున్నారు. దీనితో పాటు సక్సెస్ ఫుల్ ప్రొడ్యూసర్ దిల్ రాజు నిర్మాణంలో ఇంద్రగంటి మోహన కృష్ణ డైరెక్షన్లో నాని ఓ మూవీని లైన్లో పెట్టాడు. నాని – ఇంద్రగంటి మోహన్ కృష్ణలకి ఇది హ్యాట్రిక్ చిత్రం . గతంలో వీరిద్దరి కాంబినేషన్లో ‘అష్టా చమ్మా’ ‘జెంటిల్ మెన్’ వంటి సూపర్ హిట్ చిత్రాలు వచ్చాయి. ఇదిలా ఉండగా ‘గీతా ఆర్ట్స్’ బ్యానర్లో కూడా నాని ఓ చిత్రం చేయబోతున్నాడు. తనకి ‘భలే భలే మగాడివోయ్’ వంటి బ్లాక్ బస్టర్ హిట్ ఇచ్చిన మారుతి ఈ చిత్రం ఉంటుందని గత కొంతకాలం నుండీ వార్తలొస్తున్నాయి. అయితే మహేష్ బాబు సహోదరి మంజుల కూడా నానితో ఓ సినిమా నిర్మించడానికి ప్లాన్ చేస్తుంది. ఇప్పటికే మంజుల అడ్వాన్స్ మారుతి దగ్గర వుందట. అందువలన తన ప్రాజెక్టు ముందుగా పట్టాలెక్కించాలనే ఆలోచనలో మంజుల ఉన్నట్టు తెలుస్తుంది. అయితే మారుతీ – నాని కాంబినేషన్లో వచ్చే సినిమా… ‘గీతా ఆర్ట్స్’ లో ఉంటుందా ..? లేక ఇందిరా ప్రొడక్షన్స్ లో ఉంటుందా ..? లేకపోతే ఈ రెండు సంస్థలు కలిసి నిర్మిస్తాయా..? అనేది తెలియాల్సి ఉంది.
