తమిళ స్టార్ హీరో సూర్యకు ఈమధ్యకాలంలో సరైన హిట్ లేదు. ప్రతి సినిమాలోనూ వేరియేషన్ చూపించడం కోసం సూర్య చాలా కష్టపడుతున్నప్పటికీ.. నటుడిగా ఆయనకు మంచి మార్కులు పడుతున్నా.. సినిమాలు మాత్రం బాక్సాఫీస్ దగ్గర బొక్కబోర్లాపడుతున్నాయి. దాంతో ప్రయోగాలకు దూరంగా.. తన ఫేవరెట్ డైరెక్టర్ కె.వి.ఆనంద్ దర్శకత్వంలో “బందోబస్త్” చిత్రంలో నటించాడు సూర్య. స్పై థ్రిల్లర్ గా రూపొందిన ఈ చిత్రం ఆగస్ట్ 15న విడుదలవ్వాల్సి ఉండగా.. ప్రభాస్ “సాహో” అదే రోజున నాలుగు భాషల్లో విడుదలవుతుండడంతో.. తన సినిమాను పోస్ట్ పోన్ చేసుకొన్నాడు సూర్య.
అయితే.. ఊహించని విధంగా ఆగస్ట్ 15న విడుదలవ్వాల్సిన “సాహో” ఆగస్ట్ 30కి పోస్ట్ పోన్ అవ్వడంతో.. వేరే ఆప్షన్ లేక ఆగస్ట్ 29న విడుదలవ్వాల్సిన “బందోబస్త్” చిత్రాన్ని సెప్టెంబర్ కి పోస్ట్ పోన్ చేశారు మేకర్స్. అసలే సరైన విజయం కోసం సూర్య పరితపిస్తున్న తరుణంలో.. ఇలా ప్రభాస్ తన సాహో సినిమాతో సూర్యకి తలపోటుగా మారడం పెద్ద సమస్యగా మారింది. మరి సూర్య సినిమా రిలీజ్ డేట్ ఎప్పుడు అనేది ప్రస్తుతానికి సస్పెన్స్. మోహన్ లాల్, ఆర్య ఇతర ముఖ్యపాత్రలు పోషించిన ఈ చిత్రంలో సయేషా కథానాయికగా నటించడం విశేషం.
