విక్రమార్కుడు సినిమాలో భయంకరమైన టిట్ల గా అందరినీ బయపెట్టించిన అజయ్.. విలన్ పాత్రలే కాకుండా ఇష్క్, 24 , కాటమరాయుడు జనతా గ్యారేజ్ సినిమాలలో సపోర్టింగ్ రోల్స్ చేస్తూ మంచి పేరు తెచ్చుకున్నారు. ఇప్పుడు తన భార్య శ్వేతా రావూరి ని అందాల పోటీలకు పంపించి అందరితో అభినందనలు అందుకుంటున్నారు. ఇక శ్వేతా మిసెస్ ఇండియా పోటీల్లో ఫైనల్ కి చేరుకున్న సందర్భంగా తనకి అజయ్ కి ఎలా పరిచయం ఏర్పడిందో ఓ ఇంటర్వ్యూలో వెల్లడించారు. “నేను హైదరాబాద్ లోనే పుట్టి పెరిగాను. ఇంటర్ సమయంలో ఓ ఫ్రెండ్ ద్వారా అజయ్ పరిచయమయ్యారు. అప్పటి నుంచి మా పరిచయం ప్రేమగా మారింది. మా ఇంట్లో ప్రేమ గురించి చెప్పేసరికి మొదట్లో కంగారు పడ్డారు.
తర్వాత స్వయంగా అజయ్ రంగంలోకి దిగి మా పేరెంట్స్ ని ఒప్పించారు. అలాగే తన ఇంట్లో వాళ్ళని ఒప్పించారు” అని శ్వేతా తమ లవ్ స్టోరీని వివరించింది. తాను డిగ్రీ పూర్తి చేసి అజయ్ ని పెళ్లిచేసుకున్నట్లు తెలిపారు. అతని ప్రోత్సాహంతోనే ఫ్యాషన్ డిజైనింగ్ కోర్సు పూర్తి చేశానని, మిసెస్ ఇండియా పోటీలో ఇంతవరకు వచ్చిన్నట్లు పేర్కొన్నారు. అయితే సినిమాలో హీరో సైడ్ క్యారెక్టర్స్ చేసే అజయ్ .. నిజజీవితంలో హీరో అన్నమాట.
Also, do SUBSCRIBE to our YouTube channel to get latest Tollywood updates.
