మహిష్మతి రాజ్యంలో హంగామా చేస్తున్న పెళ్లి చూపులు భామ

పెళ్లి చూపులు సినిమాలో సహజంగా నటించి అందరి మనసులను గెలుచుకుంది రీతూ వర్మ. ఇప్పుడు మహిష్మతి రాజ్యంలో హంగామా చేస్తుంది. ఏంటి బాహుబలి కంక్లూజన్ లో రీతూ వర్మ నటించిందా? అని అనుకోకండి.. ఆమె యానిమేషన్ సిరీస్ లో కనిపించింది. దర్శకధీరుడు ఎస్.ఎస్.రాజమౌళి సృష్టించిన బాహుబలి చిత్రాన్ని అభిమానుల కోరిక మేరకు “ది స్వార్డ్ ఆఫ్ బాహుబలి” అనే పేరుతో యానిమేషన్ సిరీస్ గా తెరకెక్కిస్తున్న విషయం తెలిసందే కదా. ఆ సిరీస్ టీజర్ కూడా ఇప్పుడు అభినందనలు అందుకుంటోంది. కొన్ని నిమిషాల నిడివిగల ఈ వీడియో వీఆర్ ఎక్స్ పీరియన్స్ ని తెలుగు ప్రజలతో పాటు, పొరుగు రాష్ట్రాల ప్రజలు కూడా ఎంజాయ్ చేస్తున్నారు.

ఇందులో రీతూ వర్మ పోలికలతో ఉన్న యానిమేషన్ పాత్ర మాహిష్మతి రాజ్యంలోకి వెళ్లి చేసే హడావుడి అందరినీ ఆకట్టుకుంటోంది. పూర్తి వీడియోని ఎప్పుడు చూస్తామా? అని ఆత్రుతని కలిగిస్తోంది. ప్రత్యేక కళ్లద్దాలు లేకుండా డైరక్ట్ గా చూసే “ది స్వార్డ్ ఆఫ్ బాహుబలి” టీజర్ వీడియో ప్రస్తుతం సోషల్ మీడియాలో అందుబాటులోకి వచ్చింది. బాహుబలి అభిమానులు దీనిని చూసేందుకు ఆసక్తి కనబరుస్తున్నారు.

Also, do SUBSCRIBE to our YouTube channel to get latest Tollywood updates.