ఒక సినిమాను జనాల దగ్గరకి చేరవేయాలంటే సినిమా కంటెంట్ జనాలకి తెలిసేలా ప్రోమోస్ రిలీజ్ చేయాలి, సినిమా కథ అర్ధమయ్యేలా పోస్టర్స్ డిజైన్ చేయాలి. సినిమా దర్శకుడు, కథానాయకుడు సినిమాని జనాల దగ్గరకి తీసుకెళ్లాలి. కానీ.. విచిత్రంగా “అభినేత్రి 2” సినిమా మేకర్స్ మాత్రం కేవలం తమన్నా అందాలను మాత్రమే ప్రమోట్ చేస్తున్నారు. ఆల్రెడీ సినిమాలోని తమన్నా ఫుల్ హాట్ సాంగ్ ను విడుదల చేశారు, అది సరిపోదన్నట్లు రోజుకో తమన్నా హాట్ స్టిల్ ను రిలీజ్ చేస్తున్నారు.
సాధారణంగా ఒక పదేళ్ళ క్రితం బీగ్రేడ్ సినిమాలను ఈ తరహాలో ప్రమోట్ చేసేవారు. అదే పద్ధతిలో ఇప్పుడు “అభినేత్రి 2″ని ప్రమోట్ చేస్తుండడం తమన్నా అభిమానులను మాత్రమే కాదు తెలుగు సినిమా అభిమానులకు కూడా నచ్చడం లేదు. మరి ప్రేక్షకులు కేవలం తమన్నా తడి అందాలను మాత్రమే చూసి థియేటర్ కి వచ్చేస్తారా అనేది చూద్దాం. “అభినేత్రి 2″తోపాటు విడుదలవుతున్న “ఎన్.జి.కె, ఫలక్ నుమా దాస్” సినిమాలేమో కంటెంట్ ను ప్రమోట్ చేస్తుంటే.. అభినేత్రి టీం మాత్రం ఈ పద్ధతి ఫాలో అవుతుండడం ఆ సినిమాకి ఎంతవరకూ ఉపయోగపడుతుంది అనేది రేపు తెలిసిపోతుంది.
