తెలుగు, తమిళ భాషల్లో ఇప్పటికీ క్రేజీ హీరోయిన్ గా రాణిస్తుంది మిల్కీబ్యూటీ తమన్నా. దాదాపు అందరి స్టార్ హీరోల పక్కన నటించేసింది ఈ భామ. కుర్ర హీరోయిన్ల పోటీ ఎక్కువైంది కాబట్టి.. కథా ప్రాధాన్యత ఉన్న చిత్రాల్లోనూ అలాగే.. సీనియర్ హీరోల చిత్రాల్లోనూ నటిస్తూ కెరీర్ ను ముందుకు సాగిస్తుంది. ఆమె నటించిన ‘క్వీన్’ రీమేక్ ‘దటీజ్ మహాలక్ష్మి’ చిత్రం త్వరలో విడుదల కాబోతుంది. ఇదిలా ఉండగా… తమన్నా పెళ్ళికి రెడీ అవుతుందని తాజా సమాచారం.
గతంలో తమన్నా తన కో ఆర్టిస్ట్ తో డేటింగ్ లో ఉందని వార్తలు వస్తున్నాయి. ఇక్కడ ఆసక్తికరమైన విషయం ఏమిటంటే.. ‘ అతనికి ఇదివరకే పెళ్ళై.. విడాకులు కూడా తీసుకున్నాడని చెప్పుకొచ్చారు. కానీ తమన్నా మాత్రం ఎవరితోనూ ‘రేలేషన్ షిప్’ లో లేనని ఆ వార్తను కొట్టిపడేసింది. ఆ తరువాత .. ముంబైకి చెందిన ఓ వ్యాపారవేత్త తో తమన్నా ప్రేమలో ఉందని టాక్ నడిచింది. వాటిని కూడా ఖండించింది ఈ బ్యూటీ. ఇలా ఇప్పటి వరకూ తన పై వస్తున్న వార్తలకి క్లారిటీ ఇస్తూనే వచ్చింది తమన్నా. ఇప్పుడు కూడా త్వరలో పెళ్ళిచేసుకోబోతున్నట్టు చెప్పుకొచ్చింది. తాజాగా ఓ ఇంటర్వ్యూలో పాల్గొన్న తమన్నా మాట్లాడుతూ.. “త్వరలోనే పెళ్ళి చేసుకోబోతున్నాను. మా అమ్మ నాకోసం పెళ్ళి సంబంధాలు చూస్తుంది. పెళ్ళి విషయం పూర్తిగా నా తల్లితండ్రుల నిర్ణయానికే వదిలేశాను. ప్రస్తుతం నేనెతే ఎవరితోనూ రిలేషన్ షిప్ లో లేను. నాకు పెళ్ళి కుదిరితే మీడియా వారికి, అభిమానులకు స్వయంగా నేనే వెల్లడిస్తాను” అంటూ చెప్పుకొచ్చింది. ‘దీనిని బట్టి చూస్తుంటే ఓ ఏడాది లోపే తమన్నా పెళ్ళి జరిగిపోవడం ఖాయమని’ కొందరు కామెంట్లు పెడుతున్నారు.
