తమన్నాకు రాక రాక “బాహుబలి” తర్వాత వచ్చిన పెద్ద సక్సెస్ “ఎఫ్ 2”. ఈమధ్యలో వచ్చిన “బాహుబలి 2″లో అమ్మడికి రెండు నిమిషాల క్యారెక్టర్ కావడం, మిగతా సినిమాలన్నీ బాక్సాఫీస్ దగ్గర బొక్కబోర్లాపడడంతో అమ్మడు చాలా హర్ట్ అయ్యింది. ఒకానొక సందర్భంలో సినిమాలు మానేసి పెళ్లి చేసుకొని సెటిల్ అయిపోవాలని కూడా ఫిక్స్ అయ్యిందట. అయితే.. రీసెంట్ గా రిలీజైన “ఎఫ్ 2” ఎవరూ ఎక్స్ పెక్ట్ చేయని విధంగా బ్లాక్ బస్టర్ హిట్ అవ్వడంతో ఆ సినిమా సక్సెస్ ను పూర్తిస్థాయిలో క్యాష్ చేసుకొనే పనిలో పడింది తమన్నా.
అందుకే “ఎఫ్ 2” సినిమాని ఆల్రెడీ ముంబైలోని తన స్నేహితులకు స్పెషల్ షోలు వేయించి మరీ చూపిస్తోంది. కుదిరితే ఆ చిత్రాన్ని అక్కడ రీమేక్ చేయాలనేది తమన్నా ప్లాన్. ఎలాగూ ప్రభుదేవతో అమ్మడికి రెండు సినిమాలు చేసిన అనుబంధం ఉంది కాబట్టి ఆ కాంటాక్ట్ తోనే బాలీవుడ్ లో “ఎఫ్ 2” సినిమాను రీమేక్ చేయించి అందులో ఆమె నటించాలని తాపత్రయపడుతోంది. మరి తమన్నా ప్లాన్ ఎంతవరకూ వర్కవుట్ అవుతుందో తెలియదు కానీ.. ప్రస్తుతానికి మాత్రం “ఎఫ్ 2” బాక్సాఫీస్ దగ్గర రచ్చ రచ్చ చేస్తోంది.
