“బాహుబలి” ముందు వరకూ తమన్నాకు వరుస విజయాలు మాత్రమే కాక భీభత్సమైన స్టార్ డమ్ ఉండేది. “బాహుబలి” తర్వాత స్టార్ డమ్ మాత్రమే పెరిగింది కానీ విజయాలకు దూరమైంది. ఆ తర్వాత ఆమె నటించిన తెలుగు, తమిళ చిత్రాలన్నీ వరుసబెట్టి ఫ్లాప్ అయ్యాయి. దాంతో తమన్నా స్టేటస్ ఒక్కసారిగా పడిపోయింది. అయితే.. ఆమె నటించిన తాజా చిత్రం “నెక్స్ట్ ఏంటి” డిసెంబర్ 7న విడుదలకు సిద్ధంగా ఉంది. అమీర్ ఖాన్ కెరీర్ లో ఒన్నాఫ్ ది బిగ్గెస్ట్ హిట్ అయిన “ఫనా” చిత్ర దర్శకుడు కునాల్ కోహ్లీ తెరకెక్కించిన ఈ చిత్రం పై కథానాయకుడు సందీప్ కిషన్ కంటే ఎక్కువగా కథానాయికగా నటించిన తమన్నా ఎక్కువ ఆశలు పెట్టుకొంది. ఎన్నడూ లేని విధంగా తన కెరీర్ లో తాను భారీస్థాయిలో ఎక్స్ పెక్టేషన్స్ పెట్టుకొన్న సినిమా ఇదేనని చెబుతోంది తమన్నా.
మరి మిల్క్ వైట్ బ్యూటీ ఆశలు ఈ సినిమాతో నెరవేరుతాయో లేదో తెలియదు కానీ.. ప్రస్తుతం ఆమె చేతిలో నాలుగు సినిమాలున్నాయి. అందులో “సైరా నరసింహా రెడ్డి” కీలకమైనది. ఆ సినిమా రిలీజ్ లోపు ఆమె చేతిలో కనీసం ఒక నాలుగైదు సినిమాలు లేకపోతే అమ్మడి కెరీర్ చివరి దశకు చేతుకొన్నట్లే. ఆమె నటించిన మరో చిత్రం “దటీజ్ మహాలక్ష్మి” ఎప్పుడు రిలీజ్ అవుతుందనే విషయంలో ఇప్పటివరకూ క్లారిటీ లేదు.
