తమన్నా టైటిల్ పాత్ర పోషిస్తున్న “అభినేత్రి” ఫస్ట్ లుక్ విడుదలైనప్పుడు, సదరు టీజర్ లో ప్రభుదేవా స్టెప్పులు చూసి అమితానందం పొందినవారు కొందరైతే.. అదే సమయంలో విడుదల చేసిన స్టిల్స్ లో తమన్నా డీ-గ్లామర్ లుక్ చూసి బాధపడినవారు ఇంకొందరు.
అలా బాధపడిన తమన్నా వీరాభిమానుల బాధను తీర్చేందుకు స్వయంగా సిద్ధమైంది మిల్క్ వైట్ బ్యూటీ తమన్నా. “అభినేత్రి” సినిమాలోని తన గ్లామర్ లుక్ ను పోస్ట్ చేసింది. తళతళలాడే బంగారు రంగు డ్రెస్ లో బంగారు మేనిఛాయాతో మెరిసిపోతున్న తమన్నాను చూసి నోరెళ్ళబెట్టనివారు ఉండరంటే అతిశయోక్తి కాదు.
ఇకపోతే.. ఇటీవల “అభినేత్రి” షూటింగ్ పూర్తి చేసుకొన్న తమన్నా.. త్వరలో “బాహుబలి 2” షూటింగ్ లో పాల్గొననుంది. “బాహుబలి 2” అనంతరం తమన్నా తాను ఇప్పటికే అంగీకరించిన తమిళ చిత్రాలను ఒక్కొక్కటిగా పూర్తి చేయనుందట!
