“తెలుగువారు నన్ను వాళ్ల అమ్మాయిగా అక్కున చేర్చుకున్నారు” బాహుబలి కంక్లూజన్ ప్రీ రిలీజ్ వేడుక వేదికపై మిల్కీ బ్యూటీ తమన్నా చెప్పిన మాటలు ఇవి. ఇందులో వంద శాతం నిజముంది. ముంబైకి చెందిన ఈ బ్యూటీ ఇప్పుడు ఈ డైలాగ్ కొడుతుంది కానీ.. పరిశ్రమకి వచ్చిన కొత్తల్లో ఆమె టాలీవుడ్ గురించి చెప్పిన మాట వింటే ఆశ్చర్యపోతారు. తమన్నా మొదట్లో తమిళ సినిమాలో గుర్తింపు లేని రోల్ చేసింది. హిందీలోనూ ఓ చిత్రం చేసింది. ఆ తర్వాత మంచు మనోజ్ సినిమా శ్రీ ద్వారా టాలీవుడ్ లోకి అడుగుపెట్టింది. హ్యాపీడేస్ చిత్రం ద్వారా ఆమెకి మంచి రోజులు మొదలయ్యాయి.
ఇప్పుడు బాహుబలిలో అవంతికగా దేశవ్యాప్తంగా గుర్తింపు సాధించుకుంది. హ్యాపీడేస్ హిట్ అయినప్పుడు ఓ ఇంటర్వ్యూ లో తమన్నా మాట్లాడుతూ ” తెలుగులో అవకాశం వచ్చే వరకు అప్పటి దాకా టాలీవుడ్ ఒకటుందనే విషయం కూడా నాకు తెలియదు. ఇక్కడ సినిమాలు చేయడం మొదలెట్టిన తరువాత టాలీవుడ్ నా పుట్టిల్లు అయిపోయింది” అని చెప్పింది. ఇదివరకు టాలీవుడ్ తెలియదు అని అవమానపరిచినందుకు కొంతమంది తమన్నాపై ఆగ్రహం వ్యక్తం చేస్తుంటే, “టాలీవుడ్ ని పుట్టిలు” అని చెప్పినందుకు మరి కొంతమంది అభిమానాన్ని పెంచుకుంటున్నారు.
Also, do SUBSCRIBE to our YouTube channel to get latest Tollywood updates.
