నిజం సినిమాకి సీక్వెల్ చేసే ఆలోచనలో తేజ

తన ఇమేజ్ ని పక్కన పెట్టి సూపర్ స్టార్ మహేష్ బాబు చేసిన సినిమా నిజం. ఆర్ధికంగా విజయం సాధించకపోయినప్పటికీ ఈ మూవీ మహేష్ బాబుకి నటుడిగా మంచి పేరు తెచ్చిపెట్టింది. అటువంటి ఈ సినిమాకి సీక్వెల్ రాబోతోందా ? .. అంటే అవుననే అంటున్నాయి టాలీవుడ్ వర్గాలు. వరుస అపజయాలతో సినిమాలకు దూరమైన డైరక్టర్ తేజ తాజాగా “నేనే రాజు నేనే మంత్రి” చిత్రాన్ని తెరకెక్కించారు. ఈ మూవీ ఈ రోజు రిలీజ్ అయి మంచి టాక్ సొంతం చేసుకుంది. ఈ ఆనందంలో తేజ తన తర్వాతి సినిమా పనులను వేగవంతం చేసినట్లు తెలిసింది.

నిజం సినిమాకి సీక్వెల్ తీయాలని అనుకుంటున్నారు. “ఇది నిజం కాదు” అనే టైటిల్ తో రూపుదిద్దుకోనున్న ఈ చిత్రంలో మహేష్ బాబు హీరోగా నటించడం లేదన్నది స్పష్టం అయింది. కొత్త హీరో కోసం డైరక్టర్ వెతుకుతున్నారంట. బహుశా సినిమాలో అందరూ కొత్తవారే ఉండవచ్చని సమాచారం. ఈ మూవీ గురించి పూర్తి వివరాలు త్వరలో అధికారికంగా ప్రకటించనున్నారు.

Also, do SUBSCRIBE to our YouTube channel to get latest Tollywood updates.