అల్లు అర్జున్, త్రివిక్రమ్ డైరెక్షన్లో ఓ చిత్రం రూపొందుతున్న సంగతి తెలిసిందే. ఈ చిత్రం కోసం త్రివిక్రమ్ తన గత చిత్రం ‘అరవింద సమేత’ టీంనే చాలా వరకూ బన్నీ చిత్రానికి కూడా వాడేస్తున్నాడు. ఇందులో మ్యూజిక్ డైరెక్టర్ తమన్ కూడా ఒకడు. ‘అరవింద సమేత’ చిత్రానికి అద్భుతమైన సంగీతమిచ్చాడు తమన్. ఈ చిత్ర విజయంలో తమన్ మ్యూజిక్ ముఖ్య పాత్ర పోషించింది అనడంలో సందేహం లేదు. ఇక బన్నీ చిత్రానికి కూడా తమన్ అద్భుతమైన ట్యూన్స్ అందిస్తున్నాడట. అందుతున్న సమాచారం ప్రకారం .. ఈ చిత్రం కోసం తమన్ ఇప్పటికే ట్యూన్స్ అన్ని ఇచ్చేశాడట.
ఎలాగు బన్నీ డ్యాన్సులు ఇరక్కొటేస్తాడు కాబట్టి.. అయన డ్యాన్స్ మూమెంట్స్ కు తగినట్టుగా అద్భుతమైన ట్యూన్స్ ఇచ్చాడట తమన్. ముఖ్యంగా మాస్ ఆడియన్స్ కి మంచి కిక్ ఇచ్చేలా టైటిల్ సాంగ్ ను కంపోజ్ చేసాడట. తమన్ ఇచ్చిన మొదటి ట్యూన్ లో సౌండింగ్ కూడా చాలా కొత్తగా ఉందని.. మొన్నామధ్య త్రివిక్రమ్ ఓ సందర్భంలో చెప్పిన సంగతి తెలిసిందే. మొత్తానికి ఈ సినిమా ఆల్బమ్ తమన్ కెరీర్ లోనే మరో సూపర్ హిట్ ఆల్బమ్ గా నిలిచిపోవటం ఖాయమనే టాక్ బలంగా వినిపిస్తుంది.
