టాలీవుడ్ లో ప్రస్తుతం బయోపిక్ ల హవా నడుస్తున్న విషయం అందరికీ తెలిసిందే. ఆ బయోపిక్ ల ట్రెండ్ తోపాటు ప్రస్తుతం విడాకుల ట్రెండ్ కూడా నడుస్తోంది. దర్శకుడు క్రిష్ విడాకుల వ్యవహారం పబ్లిక్ అయిన మూడు రోజుల్లోనే మంచు మనోజ్ మ్యారేజ్ ఇష్యూ హైలైట్ అవ్వడం ఫిలిమ్ నగర్ లో హల్ చల్ సృష్టిస్తోంది. అయితే.. క్రిష్ & మనోజ్ ఇద్దరూ “వేదం” సినిమా కోసం కలిసి వర్క్ చేసి ఉండడం విశేషం. ఇప్పుడు ఈ ఇద్దరి మ్యారేజ్ లైఫ్ ఒకేసారి ట్రబుల్స్ ఫేస్ చేస్తుండడం అనేది చర్చనీయాంశం అయ్యింది.
సినిమా హీరోల మరియు దర్శకుల పెళ్లిళ్లు ప్రాబ్లమ్స్ ఫేస్ చేయడం ఇదేమీ మొదటిసారి కాదు ఆఖరిసారి కూడా కాకపోవచ్చు.. కానీ ఇలా వరుసబెట్టి వారం గ్యాప్ లోనే ఈ విడాకుల రచ్చ చోటు చేసుకొంటుండడం అనేది ఎంతమాత్రం శ్రేయస్కరం కాదు. అందువల్ల ఈ విడాకుల ప్రహసనం ఇంతటితో ఆగితే మంచిదని భావిస్తోంది చిత్రసీమ. మరి ఇక్కడితో ఫుల్ స్టాప్ పడకపోయినా కనీసం కొన్నాళ్లపాటు కామా పడినా చాలని కొందరు కోరుకొంటున్నారు.
