సావిత్రి బయోపిక్ గా రూపొందిన “మహానటి” ఘన విజయం సాధించడంతోపాటు ప్రేక్షకుల, విమర్శకుల ప్రశంసలు కూడా అందుకోవడంతో టాలీవుడ్ లో ఒక్కసారిగా బయోపిక్స్ ఊపందుకున్నాయి. ఎన్టీఆర్, వైయస్సార్ బయోపిక్స్ ఒకేసారి మొదలయ్యాయి. అయితే.. ఎన్టీఆర్ బయోపిక్స్ రెండు భాగాలు కూడా బాక్సాఫీస్ వద్ద దారుణంగా దెబ్బతినగా.. వైయస్సార్ బయోపిక్ గా రూపొందిన “యాత్ర” మాత్రం మంచి హిట్ గా నిలిచింది. తక్కువ రేట్ కే అమ్ముడవ్వడంతో ఆ సినిమా కొనుక్కున్నవాళ్లందరికీ భారీ స్థాయిలో కాకపోయినా ఓ మోస్తరు లాభాలొచ్చాయి.
దాంతో.. చిన్న సినిమాలుగా రూపొందిన “మహానటి, యాత్ర” సినిమాలు సూపర్ హిట్ అవ్వడంతో.. భారీగా రూపొందిన “ఎన్టీఆర్ కథానాయకుడు, మహానాయకుడు” సినిమాలు మాత్రం ఫెయిల్ అవ్వడంతో దర్శకుడు క్రిష్ కెరీర్ మీద చాలా భారీ ప్రభావం చూపింది. కానీ.. ఎన్టీఆర్ బయోపిక్ ఈ స్థాయి పరావభం ఎదుర్కోవాల్సి వస్తుందని కనీసం బాలయ్య యాంటీ ఫ్యాన్స్ కూడా ఎక్స్ పెక్ట్ చేసి ఉండరు.
