టాలీవుడ్ లో ఎప్పుడు ఏం జరుగుతుందో ఎవ్వరం చెప్పలేం. హిట్ అవుతుంది అని అనుకున్న సినిమా, అనుకోకుండా డిజాస్టర్ గా మారవచ్చు, అలా అని, పెద్దగా అంచనాలు లేకుండా వచ్చిన సినిమాలు అనుకోని రీతిలో సూపర్ హిట్స్ గా నిలిచినా ఆశ్చర్యపోవాల్సిన పనిలేదు. ఇదిలా ఉంటే తాజాగా గత వారం విడుదలయిన రెండు సినిమాలు బాక్స్ ఆఫీస్ వద్ద పెద్దగా చప్పుడు చేసిన ధాకలాలు కనిపించడం లేదు. అందులో ఒకటి బాబు బంగారం….గత కొంత కాలంగా రీమేక్స్ పై మోజుపడిన వెంకీ తాజాగా స్ట్రేట్ సినిమాతో అదీ కామెడీ కి పెట్టింది పేరు అయిన మారుతితో ప్రేక్షకుల ముందుకు వచ్చాడు. అదే క్రమంలో ట్రైలర్ లూ, టీజర్ లలో వెంకటేష్ బాబు ని కొత్తగా చూపిస్తూ భలే మజా ఇచ్చాడు దర్శకుడు మారుతి.
అయితే సినిమా డిజాస్టర్ అయితే కాలేదు కానీ, అంచనాలను మాత్రం అందుకోలేక పోయింది…ఇక గ్రాండ్ ఓపెనింగ్స్ ను అందుకున్న ఈ చిత్రం బ్యాడ్ టాక్ పుణ్యమా అని, పెద్దగా ఆడే పరిస్థితులు అయితే లేవు. ఇక మరో పక్క నిన్న విడుదలయిన మెగా ఫ్యామిలీ హీరో సాయి ధర్మ తేజ తిక్క, ఎంత తిక్కగా ఉందో ఎవ్వరికీ చెప్పనవసరం లేదు. ఈ సినిమా ఫలితం మాత్రం బాబు బంగారం కంటే ఘోరంగా ఉంది. ఈవెనింగ్ ఆటలు కూడా హౌస్ ఫుల్ అవ్వని పరిస్థితి. మార్నింగ్ నుంచే పూర్తి నెగెటివ్ టాక్ తో డిజాస్టర్ గా వెళుతోంది ఈ సినిమా. సెకండ్ షో లు కాదు కదా ఫస్ట్ షో లకి కూడా థియేటర్ లు హౌస్ ఫుల్ బోర్డు పెట్టలేదు అంటే నెగెటివ్ టాక్ ఎంతగా ఉందో చూడండి మరి. అది మొత్తానికి ఈ వారం సినిమాల పరిస్థితి.
