వీకెండ్ వస్తుందంటే చాలు చాలామంది థియేటర్ల దగ్గర తిష్ట వేసేస్తుంటారు. అందుకే నిర్మాతలు తమ సినిమాలను శుక్రవారం విడుదల చేస్తుంటారు. ఒక్కోవారు ఒకేరోజు నాలుగైదు సినిమాలు కూడా విడుదలవుతుంటాయి. అయితే.. ఈ వీకెండ్ మాత్రం మూవీ లవర్స్ కి చాలా స్పెషల్ గా నిలిచిపోనుంది. అందుకు కారణం.. ఈవారం కేవలం గురువారం లేదా శుక్రవారం సినిమాలు విడుదలవ్వడం లేదు.. మంగళవారం స్టార్ట్ అయ్యే సినిమాల సందడి బుధవారం, గురువారం కూడా కంటిన్యూ అవ్వనుంది. విషయం ఏంటంటే.. విజయ్ కథానాయకుడిగా మురుగదాస్ దర్శకత్వంలో తెరకెక్కిన కమర్షియల్ పోలిటికల్ ఎంటర్ టైనర్ “సర్కార్” రేపు మంగళవారం విడుదలవుతుండగా.. మరుసటి రోజు మన రవిబాబు దర్శకత్వంలో తెరకెక్కిన సరికొత్త చిత్రం “అదుగో” బుధవారం (నవంబర్ 7) విడుదలవుతోంది.
పంది ప్రధాన పాత్రలో తెరకెక్కిన ఈ చిత్రంలో “నన్ను దోచుకుండవటే” ఫేమ్ నభ నటేష్ కథానాయికగా నటించింది. ఈ రెండు సినిమాల తర్వాత బాలీవుడ్ క్రేజీయస్ట్ ప్రొజెక్ట్ “థగ్స్ ఆఫ్ హిందూస్థాన్” గురువారం (నవంబర్ 8)న ప్రపంచవ్యాప్తంగా విడుదలకానుంది. అమీర్ ఖాన్, అమితాబ్ బచ్చన్, కత్రినా కైఫ్ ప్రధాన పాత్రల్లో నటించిన ఈ చిత్రంపై విశేషమైన అంచనాలున్నాయి. మరి ఈ మూడు సినిమాలు అంచనాలను అందుకోగలుగుతాయో లేదో తెలియదు కానీ.. ఈ సినిమా కోసం ఆడియన్స్ మాత్రం ఆతృతగా ఎదురుచూస్తున్నారు. మరి ఈ ముగ్గురిలో ఎవరు విజేత అనేది శుక్రవారం కల్లా తేలిపోతుంది.
