సాధారణంగా శుక్రవారం నుంచి మొదలయ్యే సినిమాల సందడి ఈమధ్య గురువారం నుంచే మొదలవ్వడం గమనించి ఉంటాం. ఈవారం కూడా అదే తరహాలో గురువారం నుంచే హడావుడి మొదలుకానుంది. రేపు “శ్రీనివాస కళ్యాణం”తో మొదలవుతున్న సినిమా హంగామా శుక్రవారం “విశ్వరూపం 2″తో కంటిన్యూ అవుతుంది. ఈ రెండు చిత్రాలపై విశేషమైన అంచనాలున్నాయి. “శ్రీనివాస కళ్యాణం” మీద క్లాస్ ఆడియన్స్ కి మంచి ఇంట్రెస్ట్ ఉండగా.. “విశ్వరూపం 2” కోసం మాస్ మరియు యాక్షన్ చిత్రాలను ఆదరించే ప్రేక్షకులు ఎప్పట్నుంచో ఎదురుచూస్తున్నారు.
ఇక గతవారం ఒకేరోజు మూడు సినిమాలు విడుదల చేసిన బాలీవుడ్ నుంచి ఈవారం ఒక్క సినిమా కూడా లేకపోగా.. హాలీవుడ్ నుంచి మాత్రం జేసన్ స్టాతమ్ నటించిన “ది మెగ్” రాబోతోంది. సముద్రంలోని పెద్ద షార్క్ చేప నేపధ్యంలో తెరకెక్కిన ఈ చిత్రం మీద యాక్షన్ మూవీ లవర్స్ కి విశేషమైన అంచనాలున్నాయి. దాంతోపాటు కామెడీ యాక్షన్ ఫిలిమ్ “ది స్పై హూ డంప్డ్ మీ” కూడా శుక్రవారం విడుదలవుతోంది. ఈ నాలుగు సినిమాలతో ఈవారం సినిమా లవర్స్ కి మంచి టైమ్ పాస్ అన్నమాట.
