టాలీవుడ్ టాప్ యంగ్ హీరోస్ లో బన్నీకి మంచి స్థానం ఉంది. స్టైలిష్ స్టార్ గా, ఒక పక్క మెగా అభిమానుల అండతో ఏదుగుతూనే తనకంటూ ఒక ప్రత్యేక అభిమాన సంఘాలను ఏర్పాటు చేసుకున్నాడు మన బన్నీ. అయితే అదే క్రమంలో తనదైన శైలిలో సినిమాలు తీసుకుంటూ టాలీవుడ్ బాక్స్ ఆఫీస్ ను షేక్ చేస్తున్నాడు. సరైనోడు సినిమాతో దాదాపుగా 70కోట్లకు పైగా వసూళ్లు అందుకుని తన కరియర్ లోనే బిగ్గెస్ట్ హిట్ గా ఆ సినిమాను నిలిపాడు, ఇదిలా ఉంటే తాజాగా బన్నీ హరీష్ శంకర్ తో సినిమా చేస్తున్నాడు. సహజంగానే మెగా ఫ్యామిలీకి మెగా ఫ్యాన్ అయిన మన హరీష్ శంకర్ బన్నీతో సినిమా చేయాలని ఎప్పట్నుంచో ఆశపడ్డాడు. అయితే ‘రామయ్యా వస్తావయ్యా’ టైంలోనే బన్నీ కమిట్మెంట్ ఇచ్చాడు. ఐతే ఆ సినిమా తేడా కొట్టడంతో సీన్ మారిపోయింది.
ఆ తరువాత బన్నీ కోసం రాసిన ‘సుబ్రమణ్యం ఫర్ సేల్’ను సాయిధరమ్ తో తీయాల్సి వచ్చింది. ఐతే ఈ సినిమాతో తనేంటో ప్రూవ్ చేసుకున్నాక హరీష్ కు బన్నీతో చేసే అవకాశం లభించింది. నాలుగు నెలల కిందటే వీళ్లిద్దరి కాంబినేషన్ ఓకే అయింది. తన కెరీర్ కు ఈ సినిమా చాలా కీలకం కావడంతో బాగా టైం తీసుకుని స్క్రిప్టు రెడీ చేశాడు హరీష్. ఇక ఈ సినిమాకి వెరైటీ గా…’దువ్వాడ జగన్నాథమ్’ అనే టైటిల్ పెట్టాడు. దీన్నే ‘డీజే’ అని షార్ట్ చేసి ఆకర్షణీయమైన లోగో డిజైన్ చేసి వదిలాడు…వినడానికి కాస్త ఇబ్బందిగా ఉన్నా…సింప్లీ సూపర్బ్ గా ఉంది లోగో అంటున్నారు బన్నీ ఫ్యాన్స్. ఇక ఈ సినిమాని దిల్ రాజు తన 25వ చిత్రంగా నిర్మిస్తున్నాడు. యధావిధిగా దేవిశ్రీ ప్రసాద్ సంగీతం అందించబోతున్నాడు. మరి టైటిల్ తో ఫ్యాన్స్ ని బాగానే ఆకర్షించిన హరీష్.. సినిమాతో ఎలాంటి ప్రభంజనాన్ని సృష్టిస్తాడో చూడాలి.
