“ఫిదా, తొలిప్రేమ” హిట్స్ తో మంచి ఫామ్ లో ఉన్న వరుణ్ తేజ్ “ఘాజీ” ఫేమ్ సంకల్ప్ రెడ్డి దర్శకత్వంలో నటిస్తున్న తాజా చిత్రంలో వరుణ్ సరసన అదితిరావు హైదరీ, లావణ్య త్రిపాఠీలు కథానాయికలుగా నటిస్తున్న ఈ చిత్రం ఫస్ట్ షెడ్యూల్ చాలా ఫాస్ట్ గా రోజుతో పూర్తయ్యింది. వరుణ్ తేజ్ తో కొన్ని రిస్కీ స్టంట్స్ ను డూప్ లేకుండా తీశారు. తాజా సమాచారం ప్రకారం ఈ చిత్రానికి “అంతరిక్షం” అనే టైటిల్ ఫిక్స్ చేసినట్లు తెలుస్తోంది. స్పేస్ ఫిలిమ్ కావడంతో తొలుత చాలా టైటిల్స్ పరిశీలించినప్పటికీ.. “అంతరిక్షం” అయితేనే పర్ఫెక్ట్ యాప్ట్ అని డైరెక్టర్ భావించడంతో వేరే ఆప్షన్ కోసం ఆలోచించకుండా “అంతరిక్షం” అనే టైటిల్ ను ఫైనల్ చేశారట.
వరుణ్ తేజ్ ఈ సినిమా కోసం బరువు పెరగడంతోపాటు.. జీరో గ్రావిటీలో షూట్ చేయడం కోసం స్పెషల్ ట్రయినింగ్ కూడా తీసుకొని ఉండడం విశేషం. బాలీవుడ్ మరియు కోలీవుడ్ కి చెందిన ప్రముఖ ఆర్టిస్టులు ఈ చిత్రంలో కీలకపాత్రలు పోషిస్తుండడంతో.. తెలుగుతోపాటు తమిళ, హిందీ భాషల్లోనూ ఈ చిత్రాన్ని విడుదల చేసేందుకు చిత్రబృందం సన్నాహాలు చేస్తోంది. ఈ ఏడాది చివర్లో విడుదలవ్వనున్న ఈ చిత్రం సెకండ్ షెడ్యూల్ త్వరలోనే హైద్రాబాద్ లో మొదలవుతుంది.
