చిత్రాల ఎంపికలో హీరో సలహాలు తీసుకుంటున్న అనుపమ

మలయాళ బ్యూటీ అనుపమ పరమేశ్వరన్ మలయాళ చిత్రం ప్రేమమ్ మూవీతో యువకుల హృదయాలను గెలుచుకుంది. తెలుగు ప్రేమమ్ లోను సుమ గా ఆకట్టుకుంది. రీసెంట్ గా శతమానం భవతి చిత్రంలో శర్వానంద్ తో జోడీగా నటించి మంచి మార్కులు కొట్టేసింది. దీంతో టాలీవుడ్ నుంచి అవకాశాలు వెల్లువెత్తాయి. సుకుమార్, రామ్ చరణ్ కాంబినేషన్లో వస్తున్న సినిమాకి సైన్ చేసింది. నాని చిత్రంలోనూ అనుపమ కథానాయికగా ఎంపికైంది. అయితే ఒకేసారి ఈ రెండు చిత్రాల నుంచి బయటికి వచ్చేసింది. డేట్స్ సర్దుబాటు చేయలేక వదిలేసినట్లు ప్రచారం చేశారు. అసలు కారణమది కాదంట. తన ప్రాణ స్నేహితుడు వద్దన్నాడని ఛాన్స్ ని వదులుకున్నట్లు తెలిసింది.

ఇంతకీ ఎవరా ప్రాణ స్నేహితుడు అనుకుంటున్నారా? ఇంకెవరు శర్వానంద్. శతమానం భవతి చిత్రీకరణ సమయంలో వీరిద్దరూ బాగా క్లోజ్ అయ్యారని ఫిలిం నగర్ వాసులు చెప్పుకుంటున్నారు. అందుకే అనుపమ తన సినిమాల ఎంపికలో అతన్ని సలహా కోరుతోందని టాక్. శర్వానంద్ వద్దన్నాడని ఆ సినిమాల నుంచి తప్పుకుందని చెబుతున్నారు. విషయం ఇంతదూరం వెళ్లిందంటే.. స్నేహంలో వారిద్దరూ ఎంత దూరం వెళ్లారోనని సినీ వర్గాలు సందేహాన్ని వ్యక్తం చేస్తున్నాయి.

Also, do SUBSCRIBE to our YouTube channel to get latest Tollywood updates.