యంగ్ రెబల్ స్టార్ ప్రభాస్ బాహుబలితో తెలుగువారికి మాత్రమే కాదు దేశంలోని అన్ని భాషల వారికీ అభిమాన హీరో అయ్యారు. విలన్ గా నటించిన దగ్గుబాటి రానా కూడా మంచి గుర్తింపు తెచ్చుకున్నారు. ఇతనంటే కూడా ఇష్టపడే వారు ఎక్కువగా ఉన్నారు. అందుకే 2017 మోస్ట్ డిజైరబుల్ మెన్ పేరిట ఓ జాతీయ పత్రిక నిర్వహించిన పోటీలో అందగాడు మహేష్ బాబు తో పాటు వీరిద్దరికీ టాప్ టెన్ లో స్థానం దక్కింది. కొంతకాలంగా మోస్ట్ డిజైరబుల్ మెన్ సర్వేలో టాప్ టెన్ లిస్ట్ లో టాలీవుడ్ హీరోలో మహేష్ బాబుకి మాత్రమే చోటు దక్కేది. గత రెండేళ్లుగా ప్రభాస్, రానా కూడా ఆదరణ పొందిన హీరోలుగా గుర్తింపు పొందుతున్నారు. దేశవ్యాప్తంగా నిర్వహించిన సర్వేలో ప్రభాస్ రెండో స్థానంలో నిలవడం విశేషం. తొలి మూడు స్థానాల్లో ఒకదాన్ని సొంతం చేసుకునే మహేష్ ఈసారి అరవస్థానానికి పరిమితమయ్యారు. బహుశా అతను నటించిన బ్రహ్మోత్సవం, స్పైడర్ ఫెయిల్ కావడం వెనక్కి వెళ్ళడానికి కారణం అయి ఉండవచ్చు. దగ్గుబాటి రానా ఏడవ స్థానంలో నిలిచారు. ప్రస్తుతం ప్రభాస్, రానా ద్వి, త్రిభాషా చిత్రాలు చేస్తున్నారు. 2018 జాబితాలో వీరి స్థానం మెరుగుపడవచ్చు. 2017 మోస్ట్ డిజైరబుల్ మెన్ జాబితాలో టాప్ స్థానాల్లో నిలిచినా వారి పేర్లు వరుసగా..
