ఉదయం పది దాటితే ఇంటి నుంచి బయటికి రావాలంటే ఆలోచిస్తున్నారు. అంతలా ఎండలు భయపెడుతున్నాయి. ఆ ఎండలను స్టార్ హీరోలు, యువ హీరోలు లెక్క చేయడం లేదు. షూటింగ్ లో బిజీగా ఉన్నారు. ‘కాటమరాయుడు’ తర్వాత పవన్‌ కల్యాణ్‌ రెస్ట్ తీసుకోలేదు. వెంటనే త్రివిక్రమ్‌ శ్రీనివాస్ సినిమా పనుల్లో పడిపోయారు. ప్రస్తుతం హైదరాబాద్‌లో షూటింగ్ వేగంగా జరుగుతోంది. మహేష్‌బాబు కూడా అంతే. మురుగదాస్‌ సినిమా క్లైమాక్స్ ని ఈరోజు మొదలెట్టేసారు. ఎన్టీఆర్ ప్రస్తుతం ‘జై లవకుశ’ చిత్రంతో బిజీ గా ఉన్నారు. ఏప్రిల్లో భారీ షెడ్యూల్ పూర్తి చేసిన ఆయన ఈనెల 5 నుంచి మళ్లీ షూటింగు పనుల్లో పడిపోతారు. రవితేజ మాత్రం డార్జిలింగ్‌లో ‘రాజా ది గ్రేట్‌’ షూటింగ్ పెట్టుకొని ఎంజాయ్ చేశారు. ఆ షెడ్యూల్ ముగించుకొని చిత్రబృందం హైదరాబాద్‌ కి వచ్చింది. ఆలస్యం లేకుండా వెంటనే టచ్ చేసి చూడు షూటింగ్ ప్రారంభించనున్నారు.
రామ్‌చరణ్‌, ప్రస్తుతం సుకుమార్‌ దర్శకత్వంలో నటిస్తున్నారు. ఈ మూవీ రాజమండ్రి పరిసర ప్రాంతాల్లో చిత్రీకరణ జరుపుకుంటోంది. సీనియర్ హీరోలు నందమూరి బాలకృష్ణ, నాగార్జున కూడా వేసవిలో కష్టపడుతున్నారు.బాలకృష్ణ, పూరిజగన్నాథ్‌ కాంబినేషన్‌లో ఓ చిత్రం రూపుదిద్దుకొంటోంది. హైదరాబాద్‌లో ఓ పాటని తెరకెక్కిస్తున్నారు. నాగార్జున నటిస్తున్న ‘రాజుగారి గది 2’ కూడా షూటింగ్ దశలోనే ఉంది. ప్రభాస్ కూడా విశ్రాంతి కోరుకోవడం లేదు. ‘సాహో’ని వీలైనంత త్వరగా ముగించే పనిలో ఉన్నారు. అల్లు అర్జున్‌, నాని, శర్వానంద్‌, విష్ణు, మనోజ్‌.. వీళ్లంతా కూడా వేసవని విశ్రాంతి తీసుకోవడం లేదు. మండుటెండల్లోనూ కష్టపడుతున్నారు.
Also, do SUBSCRIBE to our YouTube channel to get latest Tollywood updates.
