అన్ని సినిమాలు కొబ్బరి కాయ కొట్టగానే గుమ్మడికాయ కొట్టే వరకు వెళ్ళవు.ఒకవేళ వెళ్ళినా థియేటర్లలోకి వస్తాయన్న గ్యారెంటీ లేదు. సరే ప్రస్తుతానికి.. అధికారిక ప్రకటన వచ్చి ఆగిపోయిన సినిమాల గురించి మాత్రమే మాట్లాడుకుందాం. ఏవేవో కారణాలతో అనౌన్స్ చేసిన సినిమాల్లో ఆగిపోయినవి చాలానే ఉన్నాయి. కొన్ని ఆర్ధిక ఇబ్బందుల కారణంగా.. మరికొన్ని వివాదాల కారణంగా… ఇలా చెప్పుకుంటూ పోతే చాలానే ఉన్నాయి. చిన్న హీరోలకు మాత్రమే కాదు స్టార్ హీరోల సినిమాలు కూడా ఈ లిస్ట్ లో చాలానే ఉన్నాయి. అవేంటో ఓ లుక్కేద్దాం రండి :
1) వినాలని ఉంది : రాంగోపాల్ వర్మ దర్శకత్వంలో అశ్వినీ దత్ గారి నిర్మాణంలో చిరంజీవి చేయాల్సిన సినిమా ఇది. షూటింగ్ కూడా 50శాతం పూర్తయ్యింది. కానీ రాంగోపాల్ వర్మ తిక్క వల్ల ఆగిపోయింది.
2) అబు బాగ్దాద్ గజదొంగ : ఈ చిత్రం కూడా సెట్స్ పైకి వెళ్ళింది.. కొన్ని వివాదాల కారణంగా ఆగిపోయింది.
3) విక్రమ్ సింహా భూపతి : బాలకృష్ణ- కోడి రామకృష్ణ కాంబినేషన్లో తెరకెక్కాల్సిన సినిమా ఇది. 80శాతం షూటింగ్ కూడా కంప్లీట్ అయ్యింది. కానీ ఆర్ధిక లావాదేవీల కారణంగా ఆగిపోయింది.
4) హరిహర మహాదేవ్ : బి.గోపాల్ దర్శకత్వంలో బెల్లంకొండ సురేష్ నిర్మాణంలో రూపొందాల్సిన మూవీ ఇది. అనౌన్స్మెంట్ వచ్చింది కానీ సినిమా సెట్స్ పైకి వెళ్ళలేదు.
5) నర్తనశాల : బాలకృష్ణ, సౌందర్య కాంబినేషన్లో తెరకెక్కాల్సిన మూవీ ఇది. షూటింగ్ మధ్యలో ఆగిపోయింది. షూట్ చేసినంత మట్టుకు ఓటిటిలో విడుదల చేసిన సంగతి తెలిసిందే.
6) రాధా : వెంకటేష్ హీరోగా మారుతీ దర్శకత్వంలో తెరకెక్కాల్సిన మూవీ ఇది. డి.వి.వి.దానయ్య ఈ చిత్రాన్ని నిర్మించాల్సి ఉంది. కానీ అనౌన్స్మెంట్ తోనే ఈ సినిమా కూడా ఆగిపోయింది.
7) ఆట నాదే వేట నాదే : వెంకటేష్ హీరోగా తేజ డైరెక్షన్లో తెరకెక్కాల్సిన మూవీ ఇది. కొంతభాగం షూటింగ్ కూడా జరిగింది కానీ కొన్ని కారణాల వల్ల ఆగిపోయింది.
8) నాగార్జున- మహేష్ బాబు- మణిరత్నం కాంబినేషన్లో ఓ మూవీ తెరకెక్కాల్సింది. దీనికి సంబంధించిన అధికారిక ప్రకటన కూడా వచ్చింది కానీ సెట్స్ పైకి వెళ్ళలేదు.
9) నాగార్జున- ధనుష్ : ఈ కాంబోలో కూడా మూవీ రాబోతున్నట్టు అనౌన్స్మెంట్ వచ్చింది కానీ సెట్స్ పైకి వెళ్ళలేదు.
10) సత్యాగ్రహి : ఈ చిత్రం లాంఛనంగా ప్రారంభమైంది కానీ.. ఆ తర్వాత సెట్స్ పైకి వెళ్ళలేదు.
11) పవన్ కళ్యాణ్, సింగీతం శ్రీనివాసరావు కాంబినేషన్లో జీసెస్ క్రైస్ట్ అనే థీమ్ తో ఓ సినిమాని అనౌన్స్ చేశారు.కానీ అనౌన్స్‌మెంట్‌తోనే అది ఆగిపోయింది.
12)చెప్పాలని ఉంది : ఎ.ఎం.రత్నం నిర్మాణంలో ఎస్.జె.సూర్య దర్శకత్వంలో ‘చెప్పాలనివుంది’ అనే మూవీ తెరకెక్కాలి. కానీ అది షూటింగ్ దశలో ఆగిపోయింది.
13) రవితేజ – మెహర్ రమేష్ కాంబినేషన్లో ఓ మూవీ రాబోతున్నట్టు ప్రకటన వచ్చింది. కానీ అది సెట్స్ పైకి వెళ్ళలేదు.
14) హరే రామ హరే కృష్ణ : మహేష్ బాబు- త్రివిక్రమ్ కాంబినేషన్లో తెరకెక్కాల్సిన మూవీ ఇది. ఎం.ఎస్.రాజు ఈ చిత్రాన్ని నిర్మించబోతున్నట్టు ప్రకటించారు. కానీ ఎందుకో అది కార్యరూపం దాల్చలేదు.
15) మిస్టర్ పర్ఫెక్ట్ : మహేష్ బాబు – సురేందర్ రెడ్డి కాంబినేషన్లో రూపొందాల్సిన మూవీ ఇది. అనౌన్స్మెంట్ తోనే ఆగిపోయింది.
16) కొరటాల -రాంచరణ్ : ఈ కాంబినేషన్లో రెండు సార్లు సినిమాని అనౌన్స్ చేశారు. కానీ సెట్స్ పైకి వెళ్ళలేదు. చివరికి ‘ఆచార్య’ తో ఆ ముచ్చటని తీర్చుకుంటున్నారు.
17) మెరుపు : రాంచరణ్ – ధరణి కాంబినేషన్లో తెరకెక్కాల్సిన మూవీ ఇది. కాజల్ హీరోయిన్ గా ఎంపికైంది. కొంతభాగం షూటింగ్ కూడా జరిగింది. కానీ తర్వాత ఆగిపోయింది.
18) నాగ చైతన్య – ‘ఢమరుఖం’ దర్శకుడు శ్రీనివాస్ రెడ్డి కాంబినేషన్లో ఓ మూవీని ప్రకటించారు. అది కూడా మధ్యలోనే ఆగిపోయింది.
19) పేట : నితిన్ హీరోగా కృష్ణ చైతన్య దర్శకత్వంలో తెరకెక్కాల్సిన మూవీ ఇది.సత్యదేవ్ మరో హీరోగా ఎంపికయ్యాడు. కొన్ని కారణాల వల్ల ఆగిపోయింది.
20) మిర్చి : మహేష్ బాబు హీరోగా కె.ఎల్.నారాయణ్ నిర్మాణంలో జస్తీ హేమాంబర్ దర్శకత్వంలో ఈ చిత్రం తెరకెక్కాల్సి ఉంది.అనౌన్స్ మెంట్ అయితే వచ్చింది కానీ కొన్ని కారణాల వల్ల ఆగిపోయింది.
