టాలీవుడ్ లో ఓ హీరోయిన్ నటించిన సినిమా బ్లాక్ బస్టర్ అయ్యి మంచి పేరు వస్తే.. వరుసగా సినిమాలు చేసి క్యాష్ చేసుకోవాలి అని చూస్తుంటారు. వాళ్ళకే అంత ఉంటే.. మరి స్టార్ హీరోయిన్ గా గుర్తింపు తెచ్చుకున్న.. వాళ్ళు ఎలా ఉండాలి. అందులోనూ తెలుగుతో పాటు తమిళంలో కూడా స్టార్ హీరోయిన్ అనే ముద్ర ఉంటే..! ఆ హీరోయిన్లు ఏ రేంజ్ లో రెమ్యునరేషన్ తీసుకోవాలి. కానీ మన అనుష్క మాత్రం వీటికి భిన్నంగా ఉంటూ వస్తుంది. తెలుగు, తమిళ భాషల్లో అనుష్క స్టార్ హీరోయిన్. ‘బాహుబలి’ చిత్రంతో ఈమెకు హిందీలో కూడా క్రేజ్ పెరిగింది.
అయినప్పటికీ ఈమె అక్కడ సినిమాలు చేయాలని ఆలోచించట్లేదు. ‘బాగమతి’ సినిమా తర్వాత అనుష్క చేస్తున్న ఒకే ఒక్క చిత్రం ‘నిశ్శబ్దం’. ఈ చిత్రం షూటింగ్ దాదాపు పూర్తయ్యింది. అయితే ఈ చిత్రం తర్వాత అనుష్క మరో చిత్రాన్ని అనౌన్స్ చేయలేదు. అందుతున్న సమాచారం ప్రకారం ఆమె ఏ సినిమా చేయడానికి గ్రీన్ సిగ్నల్ ఇవ్వలేదు. అసలు ఆమె క్రేజ్ ను ఉపయోగించి క్యాష్ చేసుకోవాలి అని అనుష్క ఏమాత్రం ప్రయత్నించట్లేదు. ‘సైరా నరసింహారెడ్డి’ చిత్రంలో చేసిన పాత్రకి కూడా ఆమె డబ్బులు తీసుకోలేదట. పైగా ఎక్కడో వేరే దేశంలో ఉన్నప్పుడు తన సొంత ఖర్చులు పెట్టుకుని వచ్చి ఆ పాత్ర చేసి వెళ్ళిపోయిందట. మరీ ఇంత సింపుల్ గా ఉంటే ఎలా అని కూడా ఆమెని ప్రశ్నిస్తున్నారు. లేడీ సూపర్ స్టార్ అనే బిరుదు నయన తార తో పాటు అనుష్కకి కూడా ఉంది. కానీ నయన్ వరుస సినిమాలు చేస్తూ.. ప్రతీ సినిమాకి కోటి పైనే రెమ్యునెరేషన్ తీసుకుంటూ ముందుకు సాగుతుంది. కానీ మన స్వీటీ మాత్రం అలా ప్రవర్తించడం లేదు.అందుకే అనుష్కకి కూడా ‘హార్డ్ కోర్ ఫ్యాన్స్ ఉన్నారు’. ఇక మరో రెండు రోజుల్లో అనుష్క పుట్టినరోజు ఉంది. దీంతో స్టార్ హీరోలకు మాత్రమే బర్త్ డే కామన్ డీపీ లు చేసే నెటిజన్లు.. అనుష్క బర్త్ డే కి కూడా డీపీ చేసి వైరల్ చేస్తుండడం విశేషం.
మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
