ఆటోగ్రాఫ్ ల కాలం పోయి సెల్ఫీల టైమ్ వచ్చింది. మన అభిమాన హీరో, హీరోయిన్లు కనబడగానే వెంటనే వారి పక్కన నిలబడి ఓ సెల్ఫీ తీసుకొని, అందరికీ చూపించుకొని మురిసిపోతుంటాం. మరి స్టార్స్ తమ కోసం సెల్ఫీలు తీసుకోరా? ఎందుకు తీసుకోరు.. ఎన్నో తీసుకుంటారు. వాటిలో కొన్ని మాత్రమే బయటికి వచ్చి అభిమానులను ఆనందపరుస్తుంటాయి. ఆ విధంగా స్టార్స్ తీసుకున్న క్రేజీ సెల్ఫీస్ పై ఫోకస్..
అక్కినేని ఆనందంఅక్కినేని నాగార్జున ఎప్పుడూ నవ్వుతూ ఉంటారు. బహుశా అదే ఆయన గ్లామర్ సీక్రెట్ అయివుంటుంది. అదే అలవాటు ఆ ఫ్యామిలీ మొత్తానికి వచ్చింది. ఈ సెల్ఫీ చూస్తే మీరు కూడా నిజమంటారు. చూడండి ఈ సెల్ఫీ ఫోజులో అందరూ ఎలా నవ్వుతున్నారో.
మెగా క్లిక్చిరంజీవికి సిగ్గు ఎక్కువ. పైగా భార్య పక్కన ఫోటో అంటే ఇప్పటికీ కొత్త పెళ్లికొడుకులాగా సిగ్గుపడి పోతుంటారు. ఆ సిగ్గుని కాస్త పక్కన పెట్టి సురేఖతో చిరు తీయించుకున్న ఈ సెల్ఫీ.. రొమాంటిక్ సెల్ఫీగా ముద్రపడింది.
ఏఎన్నార్ గా బాలయ్యమహా నటుడు ఎన్టీఆర్ ని తాను అనుకరించడంలో పెద్ద కిక్ ఏముంది అనుకున్నారేమో బాలకృష్ణ .. ఓ పార్టీ విందులో ఏఎన్నార్ ఫోజు పెట్టి ఇరగదీసారు.
వయసుతో పనేమిటి?సెల్ఫీ కి వయసుతో సంబంధం లేదని చాటి చెప్పారు వెంకటేష్. క్రికెట్ చూసేందుకు వెళ్లిన ఈ గురు.. మహేష్ బాబు తనయుడు గౌతమ్ తో కలిసి తీసుకున్న సెల్ఫీ అందరికీ భలే నచ్చింది.
బాహుబలి బంధంబాహుబలి సినిమా కంటే రెబల్ సినిమాలో తమన్నా, ప్రభాస్ కలిసి నటించారు. కానీ ఈ జంటకి బాహుబలితోనే పేరొచ్చింది. రీల్ లైఫ్ లో పచ్చబొట్టేసి మరీ కలుసుకున్న వీరిద్దరూ రియల్ లైఫ్ లో కలిసి తీసుకున్న కలర్ ఫుల్ సెల్ఫీ ఇది.
హాసన్ హాస్యంకమలహాసన్ అణువణువణునా నటన నిండిపోయి ఉంటుంది. కెమెరా కన్ను ఆన్ అవగానే ఆయనలోని నటుడు ఆటొమ్యాటిక్ గా యాక్టివేట్ అయిపోతాడు. అతని నటవారసురాలు శృతిహాసన్ కూడా అంతే. సెల్ఫీ కెమెరా ఆన్ అవ్వగానే ఇద్దరూ ఎలా స్మైల్ ఇచ్చారో చూడండి.
అక్క.. తమ్ముడు.. ఓ బ్లాక్ లేడీఅవార్డు అందుకోవడం అనేది ప్రతిభకు లభించిన గుర్తింపు వంటిది. ఆ ఆనందకర క్షణంలో కుటుంబసభ్యులతో ఓ ఫోటో .. కాదు.. కాదు సెల్ఫీ తీసుకుంటే ఆ ఆనందం రెట్టింపు అవుతుంది. ఫిల్మ్ ఫేర్ అవార్డు అందుకున్న అక్క మంచు లక్ష్మి తో తమ్ముడు మంచు మనోజ్ సెల్ఫీ ఇది.
శ్రీమంతుడి సైన్యంసెల్ఫీలకు మహేష్ బాబు చాలా దూరంగా ఉంటారు. అయినా తనని శ్రీమంతుడిని చేసిన సైన్యం తో ఓ సెల్ఫీ దిగారు. శ్రీమంతుడు సినిమా షూటింగ్ సమయంలో తీసుకున్న ఈ సెల్ఫీ ఎప్పటికీ క్రేజీగానే ఉంటుంది.
గబ్బర్ సింగ్ బ్యాచ్కొత్తవారితో పవన్ కళ్యాణ్ హుందాగా నడుచుకున్నారు. స్నేహితులతో సరదాగా ఉంటారు. అది షూటింగ్ అయినా.. ఎక్కడైనా జోకులు వేసుకుంటూ గడుపుతారు. అలంటి టైమ్ లో క్లిక్ మనిపించిన సెల్ఫీ ఇది. బ్యాచ్ తో గబ్బర్ సింగ్.
అల్లు ఫ్యామిలీఒకరిద్దరు సెల్ఫీ తీసుకోవడంలో స్టైల్ ఏముంది? అనుకున్నారు మన స్టైలిష్ స్టార్ అల్లుఅర్జున్. కుటుంబ సభ్యులందరినీ కలిసి కూర్చోబెట్టి మరీ సెల్ఫీ తీశారు. ఇది ఫ్యామిలీ సూపర్ సెల్ఫీగా నెటిజనులు అవార్డు ఇచ్చారు.
సంగీతం.. సంతోషంఎన్టీఆర్ కన్నడ హీరో పునీత్ రాజ్ కుమార్ కోసం ఓ పాట పాడారు. ఆ పాట పాడినందుకు తారక్ కి అవార్డు కూడా వచ్చింది. ఆ పాట పాడే సమయంలో తీసుకున్న ఈ సెల్ఫీ.. అభిమానులకే కాదు ఎన్టీఆర్ కి తీపి గుర్తుగా మిగిలిపోయింది.
శ్రియ సింగిల్ సెల్ఫీయువ హీరోల నుంచి సీనియర్ హీరోలందరితో నటించిన అందాల సుందరి శ్రియ.. వ్యాయామం తర్వాత తన నడుము వద్ద ఫ్యాట్ కరిగిందా? లేదా? అంటూ చెక్ చేసుకోవడానికి అన్నట్టూ టాప్ పైకి లేపి మరి నడుమును సెల్ఫీ తీసుకుంటోంది.
