మన తెలుగు సినిమాలో హీరో పాత్రకు ఎంత ప్రాధాన్యత కలిగి ఉంటుందో, అంతకన్నా ఎక్కువగా హీరోయిన్ కు కూడా ప్రాధాన్యత ఉండడం విశేషం. అయితే కధ పరంగా, పాత్ర పరంగా హీరోయిన్స్ ప్రాధాన్యత ఉండడం అనే విషయాన్ని పక్కన పెట్టేస్తే, అసలు హీరోయిన్ లేకుండా సినిమాను నడపలేని పరిస్థితి. ఇంకా చెప్పాలి అంటే హీరోయిన్ పాత్ర కేవలం హీరోతో రొమ్యాన్స్ కోసం, మరీ ఎక్కువైతే ఐటమ్ సాంగ్ లాంటి పాటలతో అందాల ఆరబోత కోసం అన్నట్లుగా తయారయ్యింది. విషయంలోకి వెళితే, ఈ మధ్య మన అందాల భామలు వరుస సినిమాతో దూసుకొస్తున్నారు. దీపం ఉండగానే ఇల్లు చక్కబెట్టుకోవాలి అన్న సామెతను ఏమాత్రం మరచిపోకుండా పాటిస్తూ వరుస సినిమాలు చేస్తూ వీలైంత సంపాదించుకుని సినిమా ప్రస్థానానికి సమాప్తమ్ చెప్పేసి హ్యాపీగా పెళ్లి చేసుకుని సెటిల్ అయిపోతున్నారు. అయితే అలా వరుస సినిమాలతో క్షణం తీరిక లేకుండా గడిపేస్తున్న మన బ్య్యూటీస్ లో ఎవరెవరు ఎంత బిజీగా ఉన్నారో ఒక లుక్ వేద్దాం రండి…పెద్దగా పేరు లేని తారలు మెహరీన్‌, అనుపమ పరమేశ్వరన్‌ తల ఒక సినిమాతో షూటింగ్ లో బిజీగా ఉంటే, కొత్త తార నివేదా థామస్‌ మాత్రం ఈ ఏడాది, నానితో నిన్నుకోరి, ఎన్టీఆర్ ‘జై లవకుశ’ లో నటిస్తూ ఉంది.
ఇక నేను లోకల్ ఫేమ్ కీర్తి సురేష్‌ సైతం రెండు సినిమాతో బిజీగా ఉంది, అందులో సావిత్రి జీవిత కథతో తెరకెక్కుతున్న ‘మహానటి’తో పాటు, పవన్‌కల్యాణ్‌-త్రివిక్రమ్‌ కలయికలో తెరకెక్కుతున్న చిత్రాలు ఉండడం విశేషం. అయితే పెళ్ళికూతురు సమాంత మాత్రం జనతా గ్యారేజ్ తరువాత సినిమాకు బై చెప్పేస్తుంది అనుకున్నాం కానీ ఆమె కూడా అనుకోకుండా ‘రాజుగారి గది2’తో పాటు, రామ్‌చరణ్‌ సినిమాల్లో నటించేందుకు ఒప్పేసుకుందట. ఇక మన బబ్లీ బ్యూటీ రాశి ఖన్నా అయితే ఎన్టీఆర్‌తో ‘జై లవకుశ’, రవితేజతో కలిసి ‘టచ్‌ చేసి చూడు’లో నటిస్తూ బిజీ బిజీగా ఉంది. వీళ్ళందరూ ఒకటి రెండు సినిమాలతో సరిపెట్టుకుంటే సెక్సీ బ్యూటీ రకుల్ ప్రీత్ మాత్రం మూడు సినిమాల్లో నటిస్తూ చెలరేగిపోతుంది. అందులో ప్రిన్స్ తో స్పైడర్, బోయపాటి దర్శకత్వంలో వస్తున్న బెల్లంకొండ శ్రీనివాస్ సినిమా, మరో సినిమాలో నటిస్తూ ఉంది, అంతేకాదు ఈ ఏడాదిఇప్పటికే ‘విన్నర్‌’, ‘రారండోయ్‌ వేడుక చూద్దాం’తో సందడి చేసింది ఏ బ్యూటీ. మొత్తంగా చూసుకుంటే వీళ్లంతా అవకాశం ఉన్నంతవరకూ అవకాశాలతో దూసుకుపోవాలని పక్క ప్లాన్ తో ఉన్నారు అని ఇట్టే అర్ధం అయిపోతుంది.
Also, do SUBSCRIBE to our YouTube channel to get latest Tollywood updates.
