మన సినిమా హీరోహీరోయిన్లు ఇంట్లో ఉండే సొంత మనుషులకంటే ఎక్కువగా పర్సనల్ సెక్రట్రీలను, మేనేజర్లను, డ్రైవర్లను నమ్ముతుంటారు. వాళ్ళకి సాలరీలకంటే ఎక్కువగా టిప్పులు ఇస్తుంటారు. అందుకే వారు కూడా నమ్మకంగా వారికి సంబంధించిన ఎలాంటి సీక్రెట్లు బయటకిరాకుండా జాగ్రత్తగా వ్యవహరిస్తూ వారి మెప్పు పొందడానికి విశ్వప్రయత్నం చేస్తుంటారు. అయితే.. ఒక్కోసారి అదే మేనేజర్లు, డ్రైవర్లు అత్యుత్సాహంతో ఆ హీరోహీరోయిన్లకు విలన్లుగా మారుతుంటారు.
ప్రస్తుతం యాంకర్ గా సూపర్ ఫామ్ లో ఉంటూనే హీరోయిన్ గానూ అప్పుడప్పుడూ మెరుస్తున్న యాంకర్ కమ్ హీరోయిన్ గత కొన్నేళ్లుగా మెయింటైన్ చేస్తున్న ఓ డ్రైవర్ ను ఉన్నపళంగా తీసిపారేసింది. కారణం ఏంట్రా అంటే.. అమ్మడు కాస్త పరాగ్గా కూర్చున్నప్పుడు, మేకప్ వేసుకోకుండా జర్నీ చేస్తున్నప్పుడు ఆ డ్రైవర్ బాబు మేడమ్ గారి పర్మిషన్ లేకుండా కొన్ని ఫోటోలు తీయడమే కాక ఆ ఫోటోలను తన స్నేహితులకు కూడా పంపాడట. ఈ విషయాన్ని కాస్త లేట్ గా తెలుసుకొన్న సదరు యాంకరమ్మ ఆ డ్రైవర్ పై కారాలు మిరియాలు నూరడమే కాకుండా అతడ్ని ఉద్యోగం నుండి తీసేసి, అతడి ప్లేస్ లో అసలు స్మార్ట్ ఫోన్ అనేది వాడడం తెలియని ఒక వ్యక్తిని తన డ్రైవర్ గా పెట్టుకొంది.
