మెగాస్టార్ చిరంజీవి ప్రస్తుతం ‘సైరా నరసింహ రెడ్డి’ చిత్రం ప్రమోషన్లతో బిజీగా గడుపుతున్నారు. సురేంద్ర రెడ్డి డైరెక్షన్లో తెరకెక్కిన ఈ చిత్రాన్ని 250 కోట్ల భారీ బడ్జెట్ తో రాంచరణ్ నిర్మించాడు. అక్టోబర్ 2 న ఈ చిత్రం తెలుగుతో పాటు తమిళ, హిందీ, మలయాళ, కన్నడ భాషల్లో విడుదల కాబోతుంది. ఈ చిత్రం కోసం వెంకటేష్ పెద్ద హీరోనే తన ‘వెంకీమామ’ చిత్రాన్ని పోస్ట్ పోన్ చేసుకున్నాడు. అంతేకాదు మెగాస్టార్ తో పోటీ ఎందుకని చాలామంది మార్కెట్ ఉన్న హీరోలు భయపడి తమ చిత్రాల్ని పోస్ట్ పోన్ చేసుకుంటున్నారు.
అయితే ఓ యాక్షన్ హీరో మాత్రం అస్సలు భయపడట్లేదు. ఆ యాక్షన్ హీరో మరెవరో కాదు గోపీచంద్. అవును గోపీచంద్ నటించిన తాజా చిత్రం ‘చాణక్య’ అక్టోబర్ 5 న విడుదల కానుంది. అనిల్ సుంకర ఈ చిత్రానికి నిర్మాత. తిరు డైరెక్షన్లో 35కోట్ల భారీ బడ్జెట్ తో ఈ చిత్రం తెరకెక్కింది. అప్పట్లో అంటే గోపీచంద్ కు మంచి మార్కెట్ ఉండేది కానీ ఇప్పుడు తిప్పికొడితే 15 కోట్ల మార్కెట్ కూడా లేదు. ఇలాంటి పరిస్థితుల్లో ఏకంగా ఓ పాన్ ఇండియా చిత్రానికి అందులోనూ మెగాస్టార్ చిత్రానికి పోటీగా దిగితే కనీసం డిపాజిట్లు కూడా దక్కవు. మరి గోపీచంద్ ఎందుకు ఇంత రిస్క్ చేస్తున్నాడో ఆయనకే తెలియాలి..!
గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
బందోబస్త్ సినిమా రివ్యూ కోసం ఇక్కడ క్లిక్ చెయ్యండి
