టాలీవుడ్ తో పాటూ కోలీవుడ్ లో కూడా అగ్ర హీరోయిన్లుగా కొనసాగుతున్నారు నయనతార, సమంతా. అయితే వీరిలో నయనతార ముందు వరుసలో ఉన్నప్పటికీ… సమంత క్రేజ్ కూడా తీసిపారేసేది కాదు. ఇక సమంత పెళ్ళి గ్లామర్ రోల్స్ కి గుడ్ బై చెప్పి కథా బలం ఉన్న చిత్రాలనే ఎంచుకుంటూ వస్తుంది. దీంతో తన క్రేజ్ మరింత పెరిగింది. దీంతో నయన తారకు పోటీగా దూసుకొస్తున్నట్టు కనిపిస్తుంది. ఇదిలా ఉంటే.. ఈ మార్చి నెలలో వీరిద్దరూ బాక్సాఫీస్ వద్ద పోటీ పాడటానికి రెడీ అవుతున్నారు.
విషయంలోకి వెళితే నయనతార డ్యూయల్ రోల్ చేసిన ‘ఐరా’ అలాగే సమంత నటించిన ‘సూపర్ డీలక్స్’ చిత్రాలు మార్చి నెలాఖరులో విడుదల కాబోతున్నాయి. ‘ఐరా’ చిత్రం మార్చి 28 న విడుదల కాబోతుండగా… సమంత నటించిన ‘సూపర్ డీలక్స్’ చిత్రం ఒక్క రోజు తేడాతో మర్చి 29న విడుదల కాబోతుంది. రెండూ కూడా వేరు వేరు జానర్లు అవ్వడంతో ప్రేక్షకుల్లో ఆసక్తి నెలకొంది. ‘ఐరా’ చిత్రం నయనతార క్రేజ్ తో మినిమం గ్యారంటీ. ఇక సమంతా చిత్రానికి విజయ్ సేతుపతి సపోర్ట్ ఉంది కాబట్టి ఈ చిత్రం కూడా మంచి విజయం నమోదు చేసే అవకాశం ఉంది. ఈ నేపథ్యంలో నయన్… సమంతాల మధ్య పోటీ తప్పదు అనడంలో సందేహం లేదు. తెలుగులో కూడా సేమ్ డేట్స్ కు ఈ చిత్రాలు విడుదలవుతాయని సమాచారం. మరి వీరిలో ఎవరి చిత్రం మంచి విజయం నమోదుచేస్తుందో చూడాలి
