ఒక కాంబినేషన్ ఇండస్ట్రీ హిట్ గా నిలిస్తే…ఆ కాంబినేషన్ కు ఉండే కిక్కె వేరబ్బా..అవును నిజమే పవన్ కల్యాణ్- త్రివిక్రమ్ ఈ ఇద్దరి కాంబినేషన్ వింటేనే టాలీవుడ్ కు మరో హిట్ దక్కింది అని సంబర పడిపోతారు ట్రేడ్ వర్గాలు. అయితే అలాంటి కాంబినేషన్ మళ్లీ తెరపైకి రాబోతుందా….అసలు ఏంటి కధ…అంటే మన ఈ మ్యాటర్ చదవాల్సిందే…త్రివిక్రమ్ రూపొందించిన నితిన్-సమంతా “అ..ఆ”మంచి హిట్ సినిమాగా పేరు అయితే తెచ్చుకుని కానీ, లాభాల విషయంలో ఒకే అనిపించింది.
అయితే ఈ సినిమా ఇచ్చిన సక్సెస్ తో మంచి ఊపు మీద ఉన్న త్రివిక్రమ్ తన తరువాత మూవీపై ఫోకస్ పెట్టాడు. ఇదిలా ఉంటే ఇండస్ట్రీ నుండి అందుతున్న సమాచారం ప్రకారం త్రివిక్రమ్ ప్రస్తుతం సూర్యతో సినిమా చేసేందుకు ప్లాన్ లో ఉన్నట్లు వినిపిస్తుంది. దీనికి సంబంధించిన చర్ఛలు ఓ కొలిక్కి వచ్చాయా? లేదా? అనే విషయంపై ఇంకా స్పష్టత బయటకు రాలేదు కానీ, మరో పక్క త్రివిక్రమ్ నెక్ట్స్ మూవీ కోలీవుడ్ హీరో సూర్యతో ఫిక్స్ అయినట్టుగా బలమైన వార్త ఇండస్ట్రీ లో హల్‌చల్ చేస్తుంది. ఇంతవరకూ బాగానే ఉంది కానీ, మరొక వర్గం వాదన మాత్రం చాలా డిఫరెంట్ గా ఉంది….ఈ వర్గం చెబుతున్న వాదన ప్రకారం సూర్య మూవీ కాన్సిల్ అయింది అని, పవన్ కళ్యాణ్ సినిమా కోసం త్రివిక్రమ్ స్క్రిప్ట్ ని సిద్ధం చేసుకుంటున్నారని తెలుస్తుంది.
ఇదే క్రమంలో ఒక వైపు నిర్మాత దిల్ రాజు సైతం త్రివిక్రమ్‌తో చేయబోయే సినిమా గురించి కొన్ని ఆసక్తికరమైన విషయాలను బయటకు చెప్పుకొచ్చాడు. పవన్ కళ్యాణ్ తో త్రివిక్రమ్ కాంబినేషన్ లో సినిమా ఉండేలా చూసుకుంటున్నానని దిల్ రాజు క్లారిటీ ఇచ్చాడు. ఇక ఈ మాటలు బట్టి చూస్తే….త్రివిక్రమ్ నెక్స్ట్ మూవీ పవన్ తో అని ఫిక్స్ అయిపోయింది. చూద్దాం ఇది ఎంతవరకూ సెట్స్ పైకి వెళుతుందో.
