మహేష్ బాబు తెలుగు వారికి మాత్రమే పరిమితం కావడం లేదు. తమిళ ప్రజలకు కూడా స్టార్ హీరో కాబోతున్నారు. తమిళ డైరక్టర్ మురుగదాస్ దర్శకత్వంలో అతను చేస్తున్న స్పైడర్ మూవీ ఏకకాలంలో తెలుగు, తమిళ భాషల్లో తెరకెక్కుతోంది. ఈ చిత్రం ద్వారా కోలీవుడ్ లో జెండా పాతాలని మహేష్ కష్టపడుతున్నారు. అందుకే తమిళ వెర్షన్ లోను స్వయంగా తానే డబ్బింగ్ చెప్పుకుంటున్నారు. టాకీ పార్ట్ మొత్తం కంప్లీట్ చేసుకున్న ఈ సినిమాకి రెండు పాటలు మిగిలి ఉన్నాయి. అందులో ఒకదాన్ని మరో రెండు రోజుల్లో కంప్లీట్ చేయనున్నారు.
మరో పాట చిత్రీకరణకు విదేశాలకు వెళ్లనున్నారు. అక్కడ నుంచి తిరిగి వచ్చిన తర్వాత ఆడియో రిలీజ్ తేదీని ప్రకటించనున్నారు. తేదీ కంటే ముందు వేదికలు మాత్రం ఖరారు అయ్యాయి. తెలుగు పాటలను విశాఖలో విడుదల చేయనుండగా, తమిళ పాటలను చెన్నైలో రిలీజ్ చేయనున్నట్లు తెలిసింది. మహేష్ కు సంబంధించి ఏ ఈవెంట్ కి అయినా వేదిక హైదరాబాదే. తొలిసారి అతను నగరాన్ని దాటుతున్నారు. రెండు ఆడియో వేడుకలకు మహేష్ హాజరు కానున్నారు.
Also, do SUBSCRIBE to our YouTube channel to get latest Tollywood updates.
