మహేష్ నటించిన ‘మహర్షి’ చిత్రం ప్రస్తుతం థియేటర్లలో సందడి చేస్తుంది. విడుదలై వారం రోజులు గడుస్తున్నప్పటికీ ఈ చిత్రం కలెక్షన్లు స్టడీగా ఉండటం గమనార్హం. అంతేకాదు ఈ చిత్రానికి మరింత ఆధరణ పెరుగుతుండడం విశేషం. ఇక ‘మహర్షి’ తరువాత అనిల్ రావిపూడి డైరెక్షన్లో తన 26 వ చిత్రం చేయడానికి రెడీ అవుతున్నాడు మహేష్. జూన్ నెలాఖరు నుండీ ఈ చిత్రం మొదలుకానుంది. ఇంకా ఈ చిత్రం మొదలు కాకుండానే.. రకరకాల వార్తలు సోషల్ మీడియాలో హల్ చల్ చేస్తున్నాయి. ఈ చిత్రంలో విజయశాంతి ఓ కీలక పాత్ర పోషిస్తుందన్న సంగతి తెలిసిందే. ఇక ఈ పాత్రకోసం ఆమె 5 కోట్లు డిమాండ్ చేస్తుందంటూ వార్తలు వస్తున్నాయి. దీంతో నిర్మాతలు కొంచెం షాక్ తిన్నారని, అయినా ఆ మొత్తం చెల్లించడానికి రెడీ అయ్యారని టాక్ వచ్చింది. అయితే ఎంత పెద్ద సినిమా అయినా హీరోయిన్ కు కూడా అంత రెమ్యూనరేషన్ ఉండదు. అలాంటిది ఓ పాత్ర కోసం విజయశాంతి కి ఐదు కోట్ల రెమ్యూనరేషన్ అంటే కాస్త ఆలోచించాల్సిన విషయమే.. సో ఇది రూమర్ అనే చెప్పొచ్చు.
ఇక రెండో రూమర్ ఏంటంటే.. ఈ చిత్రానికి ‘రెడ్డిగారి అబ్బాయి’ అనే టైటిల్ అనుకుంటున్నారని టాక్ నడుస్తుంది. దీంతో ఈ చిత్ర కథ రాయలసీమ నేపథ్యంలో సాగుతుందని అందుకే ఈ టైటిల్ అనుకుంటున్నారని వార్తలు వస్తున్నాయి. సాధారణంగా ఓ పెద్ద హీరో చిత్రానికి ఇలాంటి టైటిల్ ను ఊహించలేము. అందులోనూ ఈ టైటిల్ వల్ల కులానికి సంబందించిన వివాదాలు కూడా ఏర్పడే అవకాశం ఉంది. సో ఇది కూడా రూమరేనెమో. మరి ఈ వార్తల్లో ఎంత వరకూ నిజముందనేది తెలియాల్సి ఉంది.
