కమర్షియల్ డైరక్టర్ మురుగదాస్ దర్శకత్వంలో సూపర్ స్టార్ మహేష్ బాబు చేస్తున్న “స్పైడర్” మూవీ షూటింగ్ పూర్తి చేసుకొని రిలీజ్ కి ముస్తాబవుతోంది. ఈ చిత్రానికి సంబందించిన “గిల్మ్ప్స్ ఆఫ్ స్పైడర్”, టీజర్లు సోషల్ మీడియాలో సంచలనం సృష్టించాయి. ఇక హరీష్ జయరాజ్ స్వరపరిచిన పాటల్లో బూమ్ బూమ్, హాలీ, హాలీ పాటలు విశేషంగా ఆకట్టుకున్నాయి. ఈ సినిమా ఆడియో రిలీజ్ వేడుకను ఈ నెల 9 వ తేదీన చెన్నైలో నిర్వహించేందుకు అన్ని ఏర్పాట్లు పూర్తి చేశారు. సౌత్ ఇండియన్ సూపర్ స్టార్ రజనీకాంత్ ఈ కార్యక్రమానికి ముఖ్య అతిధిగా రాబోతున్నట్లు ప్రచారం జరిగింది.
అయితే ఆయన రావడం లేదంట. తెలుగు, తమిళంలో స్టార్ డైరక్టర్స్ గా పేరొందిన రాజమౌళి, శంకర్ హాజరుకానున్నట్లు తెలిసింది. తెలుగు, తమిళ వెర్షన్ ఆడియో సీడీలను వీరు లాంచ్ చేయనున్నారు. అలాగే ట్రైలర్స్ ని కూడా రిలీజ్ చేయనున్నట్లు చిత్ర బృందం వెల్లడించింది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ సినిమా సెప్టెంబర్ 27న ప్రేక్షకుల ముందుకు రానుంది.
Also, do SUBSCRIBE to our YouTube channel to get latest Tollywood updates.
