‘రంగస్థలం’ సినిమా అద్భుతమైన సినిమాటిక్ ఎక్స్ పీరియన్స్ ఇచ్చినప్పటికీ.. ఆ సినిమా అనంతరం మరో మంచి సినిమా రాక, లేక సినిమా అభిమానులు హాలీవుడ్, బాలీవుడ్ సినిమాల మీద ఆధారపడ్డారు. అయితే.. వారికోసం మన మహేష్ బాబు ఈ శుక్రవారం “భరత్ అనే నేను” అంటూ ప్రేక్షకులను పలకరిస్తున్నాడు. కొరటాల శివ దర్శకత్వంలో తెరకెక్కిన ఈ చిత్రం రేపు ప్రపంచవ్యాప్తంగా విడుదలవతోంది. ఈ సినిమా మీద విశేషమైన అంచనాలున్నాయి. అలాగే.. “బియోండ్ ది క్లౌడ్స్” అనే హాలీవుడ్ డైరెక్టర్ తెరకెక్కించిన బాలీవుడ్ చిత్రం కూడా విడుదలవుతోంది. ఈ సినిమా ట్రైలర్, రెహమాన్ సంగీతం సినిమాకి మంచి క్రేజ్ తీసుకొచ్చాయి. ఈ చిత్రం కోసం సినిమా అభిమానులు ఎదురుచూస్తున్నారు.
అలాగే.. తెలుగు తమిళ భాషల్లో విడుదలై మంచి విజయాన్నందుకొన్న మిస్కిన్ చిత్రం “పిశాచి”ని హిందీలో “నాను కి జాను”గా రీమేక్ చేశారు. అభయ్ డియోల్ కథానాయకుడిగా నటించిన ఈ చిత్రం కూడా రేపు విడుదలవుతోంది. ఫుల్ లెంగ్త్ కామెడీ అండ్ ఎమోషనల్ ఎంటర్ టైనర్ గా తెరకెక్కిన ఈ చిత్రంపై కూడా మంచి అంచనాలున్నాయి. అలాగే హాలీవుడ్ చిత్రం “ట్రూత్ అండ్ డేర్” అనే థ్రిల్లర్ కూడా రేపు విడుదలవుతోంది. “ఫైనల్ డెస్టీనేషన్” ఫార్మాట్ ఫిలిమ్ లా కనిపిస్తున్న ఈ సినిమా ట్రైలర్ అయితే బాగుంది. మరి సినిమా ఎలా ఉంటుందో రేపు చూడాలి. అయితే.. ప్రస్తుతం అందరి కళ్ళూ “భరత్ అనే నేను” మీదే ఉన్నాయి.
