మెగాహీరో వైష్ణవ్ తేజ్ డెబ్యూ ఫిలిం ‘ఉప్పెన’పై ప్రేక్షకుల్లో మంచి అంచనాలు ఏర్పడ్డాయి. దేవిశ్రీప్రసాద్ సంగీతం అందించిన ఈ సినిమా పాటలు సూపర్ హిట్ అవ్వడంతో సినిమాపై క్రేజ్ మరింత పెరిగింది. ఈ సినిమా క్లైమాక్స్ తెలుగు ప్రేక్షకుల అభిరుచికి దూరంగా ఉంటుందనే మాటలు వినిపిస్తున్నా.. సినిమాపై బజ్ మాత్రం తగ్గడం లేదు. సుకుమార్ శిష్యుడు బుచ్చిబాబు ఈ సినిమాతో దర్శకుడిగా మారబోతున్నాడు. కృతి శెట్టి ఈ సినిమాలో హీరోయిన్ గా నటించింది. సినిమా టీజర్, పాటలలో ఆమె లుక్స్ యూత్ ని కట్టిపడేశాయి.
ఈ సినిమా రిలీజ్ కాకముందే ఆమెకి మరిన్ని అవకాశాలు వస్తున్నాయి. ఇప్పటికే నాలుగైదు సినిమాలు ఆమె ఖాతాలో వేసుకుంది. దర్శకుడు బుచ్చిబాబుపై కూడా నిర్మాతలు, హీరోల దృష్టి పడింది. ఇప్పటికే మైత్రి మూవీస్ బుచ్చిబాబుతో మరో సినిమా చేయడం కోసం అగ్రిమెంట్ చేసుకుంది. ‘ఉప్పెన’ విడుదల కంటే ముందే బుచ్చిబాబుపై కర్చీఫ్ లు వేసుకుంటున్నారు కొందరు హీరోలు. అయితే ఈ కొత్త దర్శకుడు మాత్రం సూపర్ స్టార్ మహేష్ బాబు కోసం కథ రెడీ చేసుకుంటున్నాడని సమాచారం. ‘ఉప్పెన’ సినిమా హిట్ అయితే వెంటనే మహేష్ ని కలవాలని బుచ్చిబాబు ప్లాన్ చేస్తున్నాడట.
సుకుమార్ రికమెండేషన్ తో బుచ్చిబాబు వెళ్లి మహేష్ కి కథ చెప్పడం పెద్ద కష్టమేమీ కాదు. దీంతో ‘ఉప్పెన’ రిలీజ్ కోసం ఎదురుచూస్తున్నాడట ఈ దర్శకుడు. సినిమా హిట్ అయితే మహేష్ ఛాన్స్ ఇస్తాడని భావిస్తున్నాడు. కానీ రెండో సినిమాకే సూపర్ స్టార్ ని టార్గెట్ చేయడం అంత ఈజీ కాదనే చెప్పాలి. ప్రస్తుతం మహేష్ లిస్ట్ లో రాజమౌళి, త్రివిక్రమ్ లాంటి అగ్ర దర్శకులు ఉన్నారు. వీరందరినీ దాటి బుచ్చిబాబుకి ఛాన్స్ ఇస్తాడా అంటే సందేహమే. మరేం జరుగుతుందో చూడాలి!
Most Recommended Video
