తాజాగా మహేష్ కు ‘మహర్షి’ లాంటి మంచి సినిమాని అందించాడు వంశీ పైడిపల్లి. ‘బృందావనం’తో ఎన్టీఆర్ కి .. ‘ఎవడు’తో చరణ్ కి .. ‘మహర్షి’తో మహేష్ బాబుకి అలాగే నాగార్జున, కార్తీ లకు ‘ఊపిరి’… ఇలా అందరికి హిట్లిచ్చాడు వంశీ. అయితే తనని డైరెక్టర్ గా పరిచయం చేసిన ప్రభాస్ కు మాత్రం ‘మున్నా’ వంటి ప్లాప్ ఇచ్చాడు. ఈ విధంగా ప్రభాస్ కు ఓ హిట్టు బాకీ పడిపోయాడు వంశీ. అయితే ‘మున్నా’ చిత్రంలో ప్రభాస్ చూపించిన తీరుకి మాత్రం వంశీ ను మెచ్చుకోవాల్సిందే. ప్రభాస్ తో హిట్ కొట్టలేకపోవడమే తనకి అసంతృప్తిని కలిగిస్తుందని… ఆయనకి తప్పకుండా హిట్ ఇవ్వాలని అంటున్నాడు వంశీ.
2007లో విడుదలైన ‘మున్నా’ చిత్రంతో డైరెక్టర్ గా పరిచయమయ్యాడు వంశీ పైడిపల్లి. అయితే ఈ చిత్రం ప్లాపయింది. అంతేకాదు దిల్ రాజు కి మొదటి ప్లాప్ కూడా ‘మున్నా’ నే కావడం విషాదకరం. ఇక ఈ విషయం పై ఓ ఇంటర్వ్యూలో వంశీ పైడిపల్లి స్పందించాడు. వంశీ పైడిపల్లి మాట్లాడుతూ.. ” సాధారణంగా కొంతమంది హీరోలు తమకి ఫ్లాప్ ఇచ్చిన దర్శకులను పక్కకి పెట్టడం .. తక్కువగా చూడటం చేస్తుంటారు. కానీ నన్ను ప్రభాస్ ఎప్పుడూ అలా చూడలేదు. ఆయన నాతో ఎంతో ఆత్మీయంగా .. గౌరవంగా ఉంటాడు. అలాంటి ప్రభాస్ కోసం త్వరలో మంచి స్క్రిప్ట్ ను సిద్ధం చేస్తాను .. ఆయనను ఒప్పించి ఒక సూపర్ హిట్ మూవీ చేస్తాను” అంటూ చెప్పుకొచ్చాడు.
