సూపర్ స్టార్ మహేష్ బాబు, దర్శకధీరుడు రాజమౌళి కాంబినేషన్లో రూపొందుతున్న యాక్షన్ అండ్ అడ్వెంచరస్ అండ్ గ్లోబ్ ట్రోటర్ మూవీకి ‘వారణాసి’ అనే టైటిల్ ఫిక్స్ చేసిన సంగతి తెలిసిందే. నవంబర్ 15న అదే టైటిల్ తో ఒక గ్లిమ్ప్స్ కూడా వదిలారు. అయితే మహేష్- రాజమౌళి సినిమా యూనిట్..కి ముందే ఇంకో చిన్న సినిమా బృందం ఈ టైటిల్ ను రిజిస్టర్ చేసుకున్నట్టు ఓ పోస్టర్ ద్వారా అధికారికంగా ప్రకటించారు.
ఈ క్రమంలో వాళ్ళు అనుమతి లేకుండా మా టైటిల్ ను ఎలా వాడుకుంటారు? అంటూ ఛాంబర్ లో కంప్లైంట్ ఫైల్ చేయడం జరిగింది. అలాగే రాజమౌళిపై కేసు కూడా పెట్టినట్టు వార్తలు వినిపించాయి. కానీ రాజమౌళి ఈ ఇష్యూ పై స్పందించింది లేదు. ఛాంబర్ కి వెళ్లి.. ఆ చిన్న సినిమా నిర్మాతలతో మాట్లాడి కన్విన్స్ చేసే ప్రయత్నం కూడా చేయలేదు.
తాజాగా అతని టీంతో తమ సినిమా టైటిల్ ని ‘రాజమౌళి వారణాసి’ గా అనౌన్స్ చేశామని.. సినిమాని కూడా ఆ టైటిల్ తోనే రిలీజ్ చేస్తామని ఛాంబర్ కి సమాధానం అందించినట్టు సమాచారం. మిగతా భాషల్లో ‘వారణాసి’ పేరుతోనే మహేష్- రాజమౌళి సినిమా రిలీజ్ అవుతుంది. తెలుగులో మాత్రమే ‘రాజమౌళి వారణాసి’ గా రిలీజ్ అవుతుందన్న మాట. సాధారణంగా ఇలాంటి సమస్య వచ్చినప్పుడు చిన్న సినిమా యూనిట్ తో ముచ్చటించి డబ్బులు ఇచ్చి ఇష్యూని క్లోజ్ చేస్తారు.
కానీ రాజమౌళి మాత్రం అలాంటి ప్రయత్నాలు ఏమీ చేయకుండా తన ఆధిపత్యాన్ని చాటుకున్నట్టు స్పష్టమవుతుంది.
