తన గదిని పూర్తిగా గర్ల్స్ హాస్టల్ చేసేశారని ఆవేదన వ్యక్తం చేస్తున్నాడు రాంగోపాల్ వర్మ. అయితే అది సీరియస్ గా కాదండి.. సరదాగానే ఇలా చెప్పుకొచ్చాడు. వివరాల్లోకి వెళితే… ఇటీవల తాను చదువుకున్న విద్యాసంస్థ అయిన సిద్దార్థ ఇంజినీరింగ్ కాలేజీని సందర్శించాడు వర్మ. ఈ కాలేజీలో చదువుకున్నప్పుడు రెండు సంవత్సరాలు ఇదే గదిలో ఉన్నానని… అయితే ఇప్పుడు దీనిని గర్ల్స్ హాస్టల్గా మార్చేశారు అంటూ చెప్పుకొస్తున్నాడు.
ఇలా రాంగోపాల్ వర్మ తను చదువుకునే రోజులను గుర్తుచేసుకున్నాడు. ‘సిద్ధార్థ ఇంజనీరింగ్ కాలేజీ హాస్టల్ వెనుక ఉన్న ఓ గదిలో అద్దెకు ఉండేవాడిని. ఈ గదిలో రెండేళ్ళకు పైబడి అద్దెకు ఉన్నానని, ఇప్పుడు ఈ గదిని ‘ఉమెన్స్ హాస్టల్’ గా మారిపోయింది. ప్రస్తుతం ఈ గదిలో ఉంటున్న అమ్మాయిలతో కలిసి దిగిన ఓ ఫొటోను పోస్ట్ చేశాడు వర్మ. తన వెనుక ఉన్న గోడకే నటి శ్రీదేవి పోస్టర్ ను అతికించే వాడినని వర్మ ఈ పోస్ట్ లో పేర్కొన్నాడు.
