హ్యాపీ డేస్, కొత్త బంగారులోకం లాంటి యూత్ ఫుల్ ఎంటర్టైనర్ చిత్రాలతో అప్పట్లో యువతలో మంచి క్రేజ్ సంపాదించుకున్న హీరో వరుణ్ సందేశ్. ఆ తరువాత తాను చేసిన మూవీస్ ప్రేక్షకులను అంతగా మెప్పించలేకపోయాయి. దాంతో అమెరికా వెళ్ళిపోయి కొంత గ్యాప్ తీసుకున్నాడు వరుణ్. తెలుగులో బిగ్గెస్ట్ రియాలిటీ షో అయినా తెలుగు బిగ్ బాస్ సీజన్ 3 లో తన భార్య హీరోయిన్ వితిక తో జంటగా ఎంట్రీ ఇచ్చి అప్పట్లో అందర్నీ ఆశ్చర్యపరిచాడు.
ఆ సీజన్లో తన బిహేవియర్ తో అభిమానులకు మరింత దగ్గరయ్యాడు వరుణ్ సందేశ్. స్వతహాగా మంచి ఔదార్యం గల వ్యక్తి అయిన వరుణ్ సందేశ్ , ఎప్పుడు ఏ కాంట్రవర్సి లోను తల దూర్చడు అనే పేరు వుంది. వరుణ్ అమెరికాలో ఎక్కువ ఉన్నా కూడా మన భారతీయ సంస్కృతి, సాంప్రదాయాలపై చాలా మక్కువ. రీసెంట్ గా అయ్యప్ప మాల దీక్షలో ఉన్న వరుణ్ నిన్న తన ఇంట్లో భక్తి శ్రద్దలతో పడి పూజ నిర్వహించారు.
వందలాది మంది స్వాములతో ఈ వేడుక అయ్యప్ప నామస్మరణతో మారుమోగింది. పడిపూజ అంటేనే స్వాములు పాటలతో అయ్యప్ప స్వామి లో లీనమై పరవశించిపోతారు. నిన్న రాత్రి వరుణ్ సందేశ్ ఇదే తరహాలో హరిహర సుతన, శరణం అయ్యప్ప అంటూ స్వామిని పూజించిన తీరు అందరిని ఆకట్టుకుంది. ఈ వీడియో నెట్టింట్లో వైరల్ గా మారి ట్రెండ్ అవుతుంది.
